© २०२३
२१ मंसिर २०८२, आइतबार
२१ मंसिर २०८२, आइतबार
काठमाडौँ ।
साताको पहिलो दिन आइतबार सेयर बजारमा सामान्य गिरावट देखिएको छ। नेपाल स्टक एक्सचेन्ज (नेप्से) परिसूचक ११.०६ अङ्कले घटेर २,६२९.८९ विन्दुमा झरेको छ, जुन ०.४१ प्रतिशतको गिरावट हो।
यद्यपि, परिसूचक ओरालो लागे पनि कारोबार रकम भने उत्साहजनक रह्यो। आज कुल ९ अर्ब १३ करोड ७४ लाख रुपैयाँ बराबरको सेयर किनबेच भएको छ। नेप्सेका अनुसार ८६ हजार ६३६ पटकको कारोबारमा १ करोड ९९ लाख ९२ हजार १८१ कित्ता सेयर किनबेच भएका छन्।
कुल ३१३ कम्पनीमध्ये ८६ कम्पनीका सेयर मूल्यमा वृद्धि भयो भने १६२ कम्पनीको मूल्यमा गिरावट आयो। कुनै पनि कम्पनीको मूल्य स्थिर रहेन।
कारोबार रकमको हिसाबले राधी विद्युत कम्पनी अग्रस्थानमा रह्यो, जसको ७२ करोड ९५ लाख रुपैयाँभन्दा बढीको कारोबार भयो। त्यस्तै, सबैभन्दा धेरै मूल्य वृद्धि भएको कम्पनी रिभर फल्स पावर लिमिटेड रह्यो, जसको सेयरमा ९.९९ प्रतिशतको वृद्धिसहित सकारात्मक सर्किट लाग्यो।
आजको कारोबारपछि सेयर बजारको कुल बजार पुँजीकरण ४३ खर्ब ८० अर्ब ५७ करोड रुपैयाँमा पुगेको छ।
© २०२३
सर्वाधिकार सुरक्षित
Design & Developed By:
