© २०२३
७ पुष २०८२, सोमबार
७ पुष २०८२, सोमबार
काठमाडौं ।
भिजिट भिसा प्रकरणमा गृहमन्त्री रमेश लखनलाइ लिएर उठेको विवादले राजनीतिक तापक्रम चुलिँदै गएको छ। गृहमन्त्रीको राजीनामाको माग गर्दै संसद् अवरोध गर्दै आएका विपक्षी दलहरूले आज बानेश्वरस्थित संसद् भवनमा बैठक गरिरहेका छन्।
प्रमुख प्रतिपक्षी दल नेकपा माओवादी केन्द्रको आह्वानमा बोलाइएको बैठकमा माओवादी केन्द्रसहित राष्ट्रिय स्वतन्त्र पार्टी, नेकपा एकीकृत समाजवादीलगायतका दलहरू सहभागी छन्। बैठकमा संसद् अवरोधलाई निरन्तरता दिने वा अन्य रणनीति अपनाउने भन्ने विषयमा छलफल भइरहेको नेकपा एसका वरिष्ठ उपाध्यक्ष राजेन्द्र पाण्डेले बताएका छन्।
यसअघि सिंहदरबारमा सभामुख देवराज घिमिरेको पहलमा प्रमुख तीन दलका प्रमुख सचेतकबीचको छलफल निष्कर्षविहीन बनेको थियो। सत्ता पक्षले गृहमन्त्री न राजीनामा दिने न त छानबिन समिति गठन हुने भन्ने अडान यथावत् राखेपछि विपक्षीहरू अझ कडा रूपमा प्रस्तुत भएका छन्।
बैठकमा सहभागी माओवादी केन्द्रका प्रमुख सचेतक हितराज पाण्डेले संसद् चल्न नदिने अडान दोहोर्याउँदै गृहमन्त्रीको राजीनामा नभएसम्म आफूहरू नहट्ने चेतावनी दिएका छन्।
© २०२३
सर्वाधिकार सुरक्षित
Design & Developed By:
