© २०२३
२९ मंसिर २०८२, सोमबार
२९ मंसिर २०८२, सोमबार
कालिकोट।
तिलागुफा नगरपालिका ६ को गोठी भिरमा शुक्रबार गएको सुख्खा पहिरोले अवरुद्ध भएको सुर्खेत–जुम्ला सडक खण्ड सुचारु भएको छ । जिल्ला प्रशासन कार्यालय, जिल्ला प्रहरी कार्यालय, तिलागुफा नगरपालिका, सडक डिभिजन कार्यालय जुम्ला र स्थानीय बासिन्दाको सहयोगमा तत्काललाई सडक सुचारु गरिएको डिएसपी टेक बहादुर रावतले बताउनु भयो ।
अप्ठेरो ठाउँमा सडक भत्किएकोले निर्माण कार्यमा कठिनाइ भएको छ । तत्काललाई कम लोड भएका यातायातका साधनहरू आवतजावत गरे पनि बढी लोड भएका यातायातका साधनहरू ओहोरदोहोर गर्न कठिनाइ भएको र निर्माण कार्य भइरहेको डिएसपी रावतले बताउनु भयो ।
सडकको अवस्थाबारे जानकारी लिन प्रमुख जिल्ला अधिकारी नारायण प्रसाद भट्टराई, कर्णाली प्रदेश प्रहरी प्रमुख प्रहरी नायव महानिरीक्षक माधव प्रसाद श्रेष्ठ, नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय सुर्खेतका प्रमुख प्रहरी उपरीक्षक भाबेश्वर रिमाल सहितको टोली तिलागुफा ६ गाेठी भिरकाे पहिरो अवलोकन गरेर फर्किएको छ ।
© २०२३
सर्वाधिकार सुरक्षित
Design & Developed By:
