खोज

बर्दिया, २४ जेठ । 

बर्दियामा मल पाउनका लागि सहकारीको शेयर सदस्यता अनिवार्य गरेको छ । बढैया ताल गाउँपालिका वडा नम्बर ६ मा रहेको साझा सहकारी संस्थामा रासायनिक मल खरिद गर्न किसानहरूलाई सहकारीको शेयर सदस्यता देखाउन परेको हो ।

जेठ महिनाको अन्तिम आउनै लाग्दा बर्दियाका किसानहरू धानको वियाड छर्दै रासायनिक मल खरिद गर्न दैनिक सहकारी संस्था धाई रहेका छन् । कृषि सामग्री कम्पनीले किसानहरूलाई सिधै विक्री गर्न नमिलेपछि सहकारी मार्फत किसानहरूलाई बिक्री गर्ने प्रावधान ल्याएको थियो तर सहकारीका सञ्चालकहरूले आफ्नो शेयर सदस्यहरूलाई मात्र विक्री गरिरहेका बढैयाताल गाउँपालिका वडा नम्बर ४ का किसान गार्वधन थारुले बताए ।

मल पाउनका लागि बढैयाताल गाउँपालिका वडा नम्बर ६ मा रहेको साझा सहकारी संस्थाले आफ्नो सेयर सदस्यहरूलाई मात्र वितरण गरिरहेको बताए । बिहान ७ बजे देखि लाइनमा बसेको थिए पालो आउँदा सम्म २ बजेको थियो तर सेयर सदस्य नभएको कारणले सहकारी कर्मचारीले मल दिएन । उनले भने, सकारीका कर्मचारीले सेयर सदस्य लिनका लागि ५ हजार ५ सय लिएर आउनुस् अनि सेयर सदस्य लिए पछि मात्र मल पाउने भनेको बताए ।

त्यस्तै बढैयाताल गाउँपालिका वडा नम्बर ६ मै रहेको मैनापोखर साना किसान सहकारी संस्थाले पनि सेयर सदस्य नभएको किसानहरूलाई मल नदिएको वडा नम्बर ६ कै किसान परसुराम थारुले बताए । सदस्य लिनका लागि महिला नै हुनु पर्ने तर मेरो बुहारी समूहमा भए पनि समूह नम्बर थाहा नभएकै कारणले मल नदिई त्यसै फिर्काएका छन् । मेनापोखर सानो किसान सहकारी संस्थामा कार्यरत कर्मचारी माधु थारुको आदेशमा मल नदिएको किसान परसुराम थारुले बताए ।

गत वर्ष पनि मल बिक्री वितरणको क्रममा उनले सदस्य भए पनि नागरिकता नम्बर थाहा नभएकै कारणले धेरै किसानहरूले मल नपाएको किसान थारुले बताए । पालिकाका धेरै सहकारीहरूले आफ्नो बासीका किसानहरूले भागको मल लिएर आएका हुन्छन् तर सेयर सदस्य भएका किसानहरूलाई आवश्यकता भन्दा बढी मल दिन्छन् र सहकारीको सेयर सदस्य नभएको किसानहरू मल विनै धान रोपाई गर्न बाध्य रहेको बढैयाता गाउँपालिका वडा नम्बर ५ का किसान राकेश चौधरीले बताए ।

बढैयाताल एकीकृत सहकारी संस्थाका कर्मचारीले पहिलै सहकारीका सदस्यता नभएकालाई मल नदिने भनेर फर्काउने गरेको बताए । त्यस सहकारीमा मान्छेको मुख हेरी हेरी मल वितरण गर्ने गरेका हुन्छन् । वडा भरीका किसानको भागको मल ल्याएर किसानहरूलाई वितरण नगरेको पछि मल कसरी पुग्ने । उनले भने ।

यता बढैयाताल गाँउपालिमा रहेको आफ्नो वडामा बसोबास गर्ने जोकोहीलाई मल वितरण गर्नु पर्ने बढैयाताल गाउँपालिकाका अध्यक्ष हिमालय त्रिपाठीले बताए । सेयर सदस्य भएको नभएको त्यो सँग कुनै किसिमको सरोकार नभएको र कृषि सामग्री कम्पनीसँग आफ्नो सेयर सदस्य नभएर वडाका किसानहरूको सङ्ख्या देखाएर मल पाउने भएकोले सबैलाई मल वितरण गर्नु पर्ने बताए ।

यदि कुनै सहकारीले आफ्नो वडाको मातहतमा रहेको किसानहरूलाई मल वितरण गर्दैन भने त्यो सहकारीलाई कारबाही गर्ने बताए । मल वितरण गर्ने समयमा हरेक वर्ष सहकारीहरूको गुणसो आउने गरेको हुन्छ पालिकाले तिनीहरूलाई कारबाही पनि गरेकै हुन्छ तर हरेक वर्ष सेयर सदस्य नभएका किसानहरूले सस्ती भोग्नु परेको अध्यक्ष त्रिपाठीले बताए ।

कृषि कम्पनीको नियम अनुसार सहकारी मार्फत किसानहरूलाई मल वितरण गर्नु हो । त्यसमा सेयर सदस्य भएको नभएको त्यसको कुनै अर्थ हुँदैन । वडाको किसानले वडामा भएको सहकारीमा गए सहकारीमा मल छ भने उपलब्ध गराउनु पर्ने हुन्छ तर कृषि कम्पनीको नियमको ठिक उल्टो भएको पाइन्छ ।