© २०२३
२९ मंसिर २०८२, सोमबार
२९ मंसिर २०८२, सोमबार
काठमाडौं,२२ जेठ।
पतञ्जलि जग्गा सट्टापट्टा प्रकरणमा पार्टी अध्यक्ष तथा पूर्वप्रधानमन्त्री माधवकुमार नेपालविरुद्ध अख्तियारले भ्रष्टाचार मुद्दा दायर गरेपछि नेकपा (एकीकृत समाजवादी) का शीर्ष नेताहरू आन्तरिक छलफलमा जुटेका छन्।
बिहीबार राजधानीको आलोकनगरस्थित पार्टी केन्द्रीय कार्यालयमा नेताहरू आपसमा परामर्शमा बसेका हुन्। अध्यक्ष नेपालविरुद्धको मुद्दाले गम्भीर राजनीतिक र नैतिक चुनौती प्रस्तुत गरेपछि पार्टीले त्यसबारे औपचारिक धारणा भने अझै सार्वजनिक गरेको छैन।
घटनाले पार्टीभित्रै तरंग पैदा गरेको देखिएको छ भने नेताहरू सावधानीपूर्वक विषयको अध्ययनमा जुटिरहेका छन्। यसअघि नेता झलनाथ खनालले पनि उक्त घटनालाई “अत्यन्त दुःखद र गम्भीर” भन्दै प्रतिक्रिया दिएका थिए।
पार्टीले छिट्टै औपचारिक वक्तव्य जारी गर्ने सम्भावना उच्च देखिएको छ, जसबाट एकीकृत समाजवादीको संस्थागत र राजनीतिक धारणा स्पष्ट हुने अपेक्षा गरिएको छ।
© २०२३
सर्वाधिकार सुरक्षित
Design & Developed By:
