© २०२३
२९ मंसिर २०८२, सोमबार
२९ मंसिर २०८२, सोमबार
काठमाडौँ ।
नेकपा (एकीकृत समाजवादी) का अध्यक्ष तथा पूर्व प्रधानमन्त्री माधवकुमार नेपालको सांसद पद निलम्बनमा परेको छ। पतञ्जलिको जग्गा सट्टापट्टा प्रकरणमा अख्तियार दुरुपयोग अनुसन्धान आयोगले भ्रष्टाचार मुद्दा दायर गरेपछि उनको पद स्वतः निलम्बन भएको हो।
अख्तियारले बिहीबार विशेष अदालतमा भ्रष्टाचार मुद्दा दायर गरेको पुष्टि गरेको छ। मुद्दा दायर भएसँगै नेपालको सांसद पद स्वतः निलम्बनमा परेको संविधान र कानुनअनुसार स्पष्ट छ। जबसम्म मुद्दाको किनारा लाग्दैन, सांसदको हैसियत निलम्बित रहन्छ।
यो प्रकरणमा आयोगले पतञ्जलिसँग सम्बन्धित सरकारी जमिन सट्टापट्टामा अनियमितता भएको दाबी गर्दै अनुसन्धान अघि बढाएको थियो। अनुसन्धानपछि आयोगले नेपालसहित अन्य व्यक्तिहरूलाई प्रतिवादी बनाउँदै अदालतमा मुद्दा दायर गरेको हो।
पूर्व प्रधानमन्त्रीजस्तो वरिष्ठ नेताविरुद्ध भ्रष्टाचार मुद्दा दायर हुनु राजनीतिक रूपमा पनि निकै महत्वपूर्ण घटनाका रूपमा हेरिएको छ।
© २०२३
सर्वाधिकार सुरक्षित
Design & Developed By:
