© २०२३
२७ मंसिर २०८२, शनिबार
२७ मंसिर २०८२, शनिबार
काठमाडौँ ।
भारतमा कोभिड-१९ संक्रमण पुनः तीव्र गतिमा फैलिन थालेको छ। पछिल्लो २४ घण्टामा ७ जनाको मृत्यु भएपछि यस वर्ष जनवरीयता संक्रमणबाट ज्यान गुमाउनेको संख्या ४४ पुगेको भारतीय सञ्चारमाध्यमहरूले जनाएका छन्।
पछिल्लो विवरण अनुसार, दिल्लीमा २२ वर्षीया युवती, महाराष्ट्रमा ५५ र ७३ वर्षका दुई पुरुष, २३ वर्षीया युवती र २७ वर्षीय युवकको मृत्यु भएको हो। त्यसैगरी तमिलनाडुमा ७६ वर्षीय पुरुष र गुजरातमा एक जनाको ज्यान गएको छ।
हाल भारतभर सक्रिय संक्रमितको संख्या ४,३२२ पुगेको छ। पछिल्लो २४ घण्टामा मात्रै २७६ नयाँ संक्रमित थपिएका छन्। यद्यपि, ५८१ जना बिरामी भने उपचारपछि निको भएका छन्। हालसम्म ३,२८१ जना संक्रमितहरू निको भइसकेका छन्।
कोरोना संक्रमणको यो पुनः संक्रमणले चिन्ता बढाएको छ। स्वास्थ्य अधिकारीहरूले सतर्कता अपनाउन र आवश्यक सावधानीका उपायहरू पालना गर्न सर्वसाधारणलाई आग्रह गरेका छन्।
© २०२३
सर्वाधिकार सुरक्षित
Design & Developed By:
