© २०२३
६ पुष २०८२, आइतबार
६ पुष २०८२, आइतबार
काठमाडौँ ।
उपत्यकाभित्र सार्वजनिक सवारी साधन बन्द हुँदा यात्रुहरू मर्कामा परेपछि सशस्त्र प्रहरी बल नेपालले मंगलबार पनि दुईवटा निःशुल्क बस सञ्चालनमा ल्याएको छ।
सशस्त्र प्रहरी बलको प्रधान कार्यालयबाट सञ्चालनमा आएको एउटा बस स्वयम्भू, कलंकी, कालीमाटी, त्रिपुरेश्वर, रत्नपार्क हुँदै कोटेश्वरसम्म चल्नेछ। अर्को बस स्वयम्भू, कलंकी, सातदोबाटो, कोटेश्वर हुँदै महाराजगन्जबाट रिङरोड परिक्रमा गर्नेछ।
सवारी साधन नचल्दा कार्यालय, अस्पताल वा अन्य आवश्यक गन्तव्यसम्म पुग्न नसकेका सर्वसाधारणलाई सहयोग पुर्याउने उद्देश्यले यो सेवा प्रदान गरिएको हो।
सशस्त्र प्रहरीका अनुसार यो बस सेवा पूर्णतः निःशुल्क रूपमा सञ्चालन गरिएको हो, जसले यात्रुहरूलाई असहज परिस्थितिमा राहत पुर्याउने अपेक्षा गरिएको छ।
© २०२३
सर्वाधिकार सुरक्षित
Design & Developed By:
