काठमाडौं ।
प्रतिनिधिसभाको आजको बैठक दोस्रोपटक सरेको छ। बिहान ११ बजे सुरु हुने भनिएको बैठक दलहरूबीच सहमति नहुँदा दिउँसो २ बजेमा सारिएको थियो। तर विपक्षी दल तयार नभएपछि बैठक फेरि अपराह्न ४ बजेसम्मका लागि सारिएको संसद् सचिवालयले सूचित गरेको छ।
नेकपा एकीकृत समाजवादीका सांसद राजेन्द्र पाण्डेले नेपालखबरलाई दिएको जानकारीअनुसार, बैठक सार्ने निर्णय विपक्षी र सत्तापक्षबीचको विवादका कारण भएको हो। विपक्षी दलहरूले भिजिट भिसा प्रकरणमा गृहमन्त्री रमेश लेखकको संलग्नताको आरोप लगाउँदै उनको राजीनामा माग्दै सदन अवरुद्ध राखेका छन्।
पाण्डेका अनुसार, विपक्षीले उच्चस्तरीय छानबिन समिति गठन गर्नुपर्ने माग राखेका छन् भने सत्तापक्ष यसमा सहमत छैन।
यस विवादका कारण संसदको नियमित कार्यतालिका प्रभावित भएको छ र आगामी समयमा राजनीतिक संवादकै माध्यमबाट समाधान खोज्ने प्रयास भइरहेका छन्।
