खोज

सुर्खेत, १७ जेठ ।

आगामी आर्थिक वर्ष २०८२÷८३ का लागि संघीय सरकारले सार्वजनिक गरेको बजेटमा कर्णालीका पुुरानै योजनाले निरन्तरता पाएका छन् । नेपाल सरकारका अर्थमन्त्री विष्णु पौडेलले आगामी आर्थिक वर्ष २०८२÷०८३ का लागि गरेको प्रस्तुत गरेको बजेटमा अधिकांश पुरानै योजनाहरुले नै निरन्तरता पाएका हुन् । विकासका हरेक सूचांकमा पछि परेको कर्णालीको रुपान्तरणका लागि केन्द्र सरकारले आगामी बजेटमा कुनै सम्बोधन गरेको देखिन्न । विगतकै केही आयोजनाहरूलाई बजेटमा समावेश गरिएको छ भने नयाँ कार्यक्रम खासै देखिएको छैन । सरकारले १९ खर्ब ६४ अर्ब ११ करोड रुपैयाँ बराबरको बजेट ल्याएको छ । तर यो बजेटले कर्णाली प्रदेशलाई उपेक्षामा राखेको कर्णालीबासीको गुनासो छ ।

अर्थमन्त्री पौडेलले संघीय संसद्को संयुक्त बैठकमा प्रस्तुत गरेको बजेटमा सुर्खेतको वीरेन्द्रनगरमा दशौँ राष्ट्रिय खेलकुद प्रतियोगिता आयोजना गर्न ५४ करोड बजेट विनियोजन गरिएको छ । गतवर्ष ६० करोड रकम विनियोजन गरिएको थियो । गत मंसिरमै प्रतियोगिता हुने भनिएपनि पटक—पटक स्थगित हुँदै आएको छ ।

भेरी–बबई डाइभर्सन आयोजनाको हेडवर्क र पावरहाउस निर्माण कार्य दुई वर्षभित्र सम्पन्न गर्न २ अर्ब ७ करोड रकम विनियोजन गरिएको छ भने भेरी–बबई आयोजनाबाट उत्पादन हुुने विद्युत् बिक्री गरी प्राप्त हुने रकम नेपाल सरकारको सञ्चिती कोषमा दाखिला गर्ने उल्लेख छ । यस आयोजना कर्णाली प्रदेशमा राष्ट्रिय प्राथमिकता प्राप्त भई अघि बढेको परियोजना हो । आर्थिक वर्ष २०६८÷०६९ बाट सुरु भएको यो परियोजनाको सुरुङको बे्रक थु्र पछिका कामले तीव्रता पाउन सकेका छैनन् । नेपालमा पहिलो पटक टनेल बोरिङ मेसिन टीबीएम प्रविधिको प्रयोग गरी निर्धारित समयभन्दा अघि नै सुरुङमार्गको ब्रेक थ्रु भई चर्चा कमाएको आयोजना त्यसयता भने सुस्त गतिमा अघि बढेको छ । आयोजनाले हालसम्म ६५ प्रतिशत भौतिक प्रगति गरेको छ ।

कर्णाली प्रदेशमा विद्युत् नियमित आपूूर्तिका लागि कोहलपुुर–सुर्खेत १३२ केभी प्रशारण लाइनको निर्माण २ वर्षभित्र सम्पन्न गरिने बजेट वक्तव्यमा उल्लेख छ । यस्तै आगामी आर्थिक वर्षभित्र कर्णाली करिडोरको हिल्सा–सिमिकोट तथा खुुलालुु–पिलुुचौर–तुुम्च खण्डको सडक स्तरोन्नति गरिनेछ । जसमा कर्णाली करिडोरका लागि १ अर्ब ७० करोड विनियोजन गरिएको छ ।

यस्तै बजेटमा बर्दिया–रारा पर्यापर्यटन पदमार्ग विकास गरिने उल्लेख छ । निजी क्षेत्रसँगको सहकार्य र पर्यटन बोर्डको सहजीकरणमा पर्यटन प्रवद्र्धन कार्यक्रम सञ्चालनमार्फत बर्दिया–रारा पर्यापर्यटन पदमार्ग विकास गरिने अर्थमन्त्री पौडेलले बताएका छन् ।

यसैगरी सुर्खेतमा प्रस्तावित मेडिकल कलेजको पूूर्वाधार निर्माण कार्य अघि बढाइने भएको छ । आर्थिक वर्ष २०७२÷२०७३ सालदेखि नियमित बजेट भाषणमा प्राथमिकतामा पर्ने सुर्खेत मेडिकल कलेज हालसम्म पनि बन्न सकेको छैन । अहिलेसम्म मेडिकल कलेजको कुनै काम अघि बढेको छैन ।

जाजरकोटको नलगाड, कालिकोटको फुुकोट कर्णाली र मुुगुुु कर्णाली जलविद्युत् आयोजनाका लागि लगानी ढाँचा निर्धारण गरी निर्माण कार्य आरम्भ गरिने उल्लेख छ । यस्तै १०६ मेघावटको डोल्पाको जगदुुल्ला जलविद्युत् आयोजनाको निर्माण कार्य प्रारम्भ गरिने उल्लेख छ ।

कर्णाली राजमार्ग अन्तर्गत सुर्खेत–खुलालु–कालीकोट–जुम्ला सडक र सुर्खेत–महावुलेक–नाग्मा–गमगढी सडकलाई स्तरोन्नति गर्न बजेट व्यवस्था गरिएको उल्लेख छ । रणनीतिक तथा व्यापारिक महत्वको भेरी कोरिडोर सडकको स्तरोन्नति गर्न आवश्यक रकम विनियोजन गरिएको उल्लेख छ ।