© २०२३
२० मंसिर २०८२, शनिबार
२० मंसिर २०८२, शनिबार
काठमाडौं, १६ जेठ।
सन् २०२५ को जनवरीदेखि मे महिनासम्म अमेरिकाले करिब १,००० भारतीय नागरिकलाई डिपोर्ट गरेको छ। भारतीय विदेश मन्त्रालयका अनुसार तीमध्ये ६२ प्रतिशत जना व्यावसायिक उडानमार्फत भारत फर्किएका हुन् भने बाँकीलाई अन्य माध्यमबाट पठाइएको हो।
मन्त्रालयका प्रवक्ता रणधीर जायसवालले शुक्रबार पत्रकार सम्मेलनमा बताएअनुसार, भारत र अमेरिका आप्रवासनसम्बन्धी मुद्दामा आपसी समन्वयमा काम गरिरहेका छन्। भारतले डिपोर्ट गरिने हरेक व्यक्तिको नागरिकता प्रमाणित गरेपछि मात्र स्वदेश फर्काउने नीतिमा काम गरिरहेको छ।
अमेरिकामा अवैध रूपमा बसिरहेका करिब १८,००० भारतीयहरूको पहिचान भइसकेको अमेरिकी अधिकारीहरूले बताएका छन्। यिनै कार्ययोजना अन्तर्गत फेब्रुअरी महिनामा अमेरिकाले सयभन्दा बढी भारतीयहरूलाई अमेरिकी सेनाको विमानमार्फत डिपोर्ट गरेको थियो, जसमा केहीलाई हत्कडी समेत लगाइएको पुष्टि भएको थियो।
यसैबीच, भारतस्थित अमेरिकी दूतावासले चेतावनी जारी गर्दै भनेको छ — अमेरिकामा अनुमति अवधि नाघी बस्ने व्यक्तिहरूलाई डिपोर्ट मात्र होइन, भविष्यमा स्थायी प्रतिबन्ध पनि लगाइन सक्छ। यो नियम वैध रूपमा प्रवेश गरेका तर भिसा सर्त उल्लंघन गर्नेहरूमा पनि लागू हुनेछ।
© २०२३
सर्वाधिकार सुरक्षित
Design & Developed By:
