खोज

बुटवल, १६ जेठ । लागू औषधको दुव्र्यसनबाट विद्यार्थीहरूलाई जोगाउन र चेतना अभिवृद्धि गर्न उद्देश्यसहित बुटवलमा एकदिने अभिमुखीकरण कार्यक्रम सम्पन्न भएको छ । नेपाल औषधि व्यवसायी संघ, जिल्ला शाखा रुपन्देहीको आयोजनामा उजिरसिंह माध्यमिक विद्यालयका कक्षा ९–१२ का विद्यार्थीहरुलाई शुक्रबार अभिमुखिकरण कार्यक्रम गरिएको हो ।
कार्यक्रमको एक समारोहका बिच बुटवल उपमहानगरपालिकाका उपप्रमुख सावित्रादेवी अर्यालले उद्घाटन गर्दै विद्यार्थीहरूलाई लागू औषधको दुव्र्यसनबाट बच्न अभिभावक, शिक्षक र समाज सबैको साझा जिम्मेवारी रहेको बताईन ।

कार्यक्रममा संघ लुम्बिनी प्रदेश अध्यक्ष लुकराज न्यौपाने, इलाका प्रहरी कार्यालयका प्रहरी नायव उपरीक्षक इन्द्र बहादुर राना, शाखाका संस्थापक अध्यक्ष सुरज भट्टराई, नशा तथा मनोरोग विशेषज्ञ डा. विक्रम काफ्ले, विद्यालयका सहप्राचार्य बसुन्धरा भुसाल, कानुनी सल्लाहकार युवराज घिमिरे लगायतले लागू औषध दुव्र्यसन, यसको असर र रोकथाम उपायबारे महत्वपूर्ण जानकारी प्रस्तुत गरेका थिए ।

कार्यक्रममा जिल्ला शाखा अध्यक्ष खड्ग बहादुर बस्नेतले समुदायमा विकृति र विसंगति रोग्ने गरि सचेतना कार्यक्रमलाई विगतबाट नै जोड दिदै आएको बताए ।

कार्यक्रममा कार्यक्रम संयोजक तथा जिल्ला शाखा रुपन्देही कार्यसमितिका सदस्य एकादेव बस्याल, महासचिव कृष्ण प्रसाद शर्मा पोख्रेलले ब्यवसायीक हकहितसंगै सामाजिक कार्यका गतिविधिलाई प्रभावकारी रुपमा गर्दै आएको बताए ।