© २०२३
२१ मंसिर २०८२, आइतबार
२१ मंसिर २०८२, आइतबार
काठमाडौँ ।
भारतमा पछिल्लो समय कोरोना संक्रमण पुनः तीव्र बन्दै गएको छ। बुधबार थप २ जनाको मृत्यु भएपछि संक्रमणबाट ज्यान गुमाउनेको संख्या १४ पुगेको भारतीय सञ्चारमाध्यमहरूले जनाएका छन्।
महाराष्ट्रको ठाणेमा ६७ वर्षीय एक पुरुषको उपचारका क्रममा मृत्यु भएको हो। उनलाई मे २५ मा अस्पताल भर्ना गरिएको थियो। ती बिरामी उच्च रक्तचाप र मधुमेहबाट पीडित थिए र उनले कोरोनाविरुद्धको खोप पनि लिएका थिएनन्।
उता, चण्डीगढमा पनि उत्तर प्रदेशका ४० वर्षीय पुरुषको ज्यान गएको छ। पन्जाबको लुधियानामा काम गर्ने ती पुरुषलाई श्वासप्रश्वासमा समस्या भएपछि चण्डीगढ रेफर गरिएको थियो।
भारतभर संक्रमण दर बढ्दो क्रममा छ। हालसम्म सक्रिय संक्रमितको संख्या १,३२६ पुगेको छ, जसमा सबैभन्दा धेरै—४३० जना—केरलामा छन्।
छिमेकी भारतमा कोरोना संक्रमण फेरि भयावह बन्दै गएको सन्दर्भमा नेपालमा पनि सतर्कता अपनाउनुपर्ने अवस्था आएको देखिन्छ। स्वास्थ्य विशेषज्ञहरूले सीमा नाका, भीडभाडयुक्त क्षेत्र, र आवतजावत हुने नाका क्षेत्रहरूमा निगरानी कडा पार्नुपर्ने सुझाव दिएका छन्।
© २०२३
सर्वाधिकार सुरक्षित
Design & Developed By:
