खोज

बुटवल, १४ जेठ । रुपन्देहीका औषधी ब्यवसायीहरुलाई एक दिने औषधीजन्य फोहोर ब्यवस्थापन तालिम दिईएको छ । नेपाल औषधी ब्यवसायी संघ रुपन्देही शाखाको आयोजनामा आफ्नो ब्यवसायीहरुलाई औषधीजन्य फोहोर ब्यवस्थापन तालिम दिएको हो ।
कार्यक्रममा बुटवल उपमहानगरपालिकाका जनस्वस्थ्य शाखाका अधिकृत मिन प्रसाद खनालले अस्पतालजन्य फोहोर ब्यवस्थापनको कानुनी गाईडलाईन, संस्था दर्ताबारे जानकारी दिदै यसको अक्षरस पालना आवश्यक रहेको बताए । फोहोर ब्यवस्थापनमा नेपाल सरकारको गाईडलाईनलाई आफुहरु कार्यान्वयनमा जोड दिदै आएको उनको दाबी छ । हरेक अस्पतालमा नै फोहोर ब्यवस्थापनको समिति बनाउनुपर्ने प्रावधान रहेको र संयन्त्रबाट काम गर्न सहज हुने उनको तर्क छ । अस्पतालको फोहोर जलाउन नहुने तर्क दिदै उनले अटोक्लेपको प्रयोग, यसबाट अनुगमनको क्रममा संस्थाको पहिचानबारे प्रष्ट पारे । हाल अस्पताल जन्य फोहोरमध्ये केवल १० प्रतिशतमात्र संक्रमणयुक्त हुने र बाकी साधारण फोहोर उत्पादन भैरहेको भन्दै उनले मुहारबाट नै फरक ब्यवस्थापन गर्न सके धेरै राम्रो हुने बताए । जलबायु परिवर्तन र फोहोरको प्रत्यक्ष सम्बन्ध रहेको भन्दै उनले कतिपय औषधीजन्य सामग्रीहरुको अनावश्यक प्रयोगलाई रोक्नुपर्ने बताए । संक्रमण बिहिन फोहोर नगरपालिकाको सवारीमा ढुवानी गर्न उनले आग्रह गरे ।

कार्यक्रममा नेपाल औषधि ब्यवसायी संघ लुम्बिनी प्रदेशका अध्यक्ष लुकराज न्यौपानेले एउटा संस्थाबाट अप्नाएको राम्रा अभ्यासलाई अन्यबाट समेत लिने गरि महत्वपुर्ण कार्यक्रम भएको बताए । ब्यवसाय मर्यादित हुने गरि संस्थाबाट नितिगत रुपमा अघि बढाउनुपर्ने उनले बताए । म्याद ग्रुजेका औषीको संख्या बढदो रहेको उनले बताए । विवरण सहितको औषधी लिन समेत उनले आग्रह गरे । फोहोरसंग औषधीको म्याद गुज्रेको समेत ब्यवस्थापनमा समेत जोड दिनुपर्ने बताए । अस्पतालबाट केवल १० प्रतिशतमात्र फोहोर संक्रमणयुक्त फोहोर उत्पादन हुने उनले बताए ।

कार्यक्रममा संघ रुपन्देही जिल्लाका संस्थापक अध्यक्ष सुरज भट्टराईले संस्थाको वार्षिक कार्ययोजना अनुसार दक्षता अभिवृध्दि गर्ने लक्ष्य अनुसार महत्वपुर्ण काम भएको बताए । क्लिनिक दर्तामा स्वास्थ्य सहायक अनिवार्य त्रुटिपुर्ण कानुनका रुपमा रहेको भन्दै परिवर्तनका लागि लामोसमयदेखि संघ लागेको उनले बताए । यसअघि प्रदेश सरकारबाट अस्पतालजन्य फोहोर ब्यवस्थापनमा पूर्वमन्त्री भोजप्रसाद श्रेष्ठको पहल स्मरण गर्दै तत्कालन ३० लाख रुपैया बजेट बिनियोजन भएको भएपनि त्यो काम अघि बढ्न नसकेको उनले दुखेसो गरे ।

कार्यक्रममा क्रिमशन अस्पतालका फोहोर ब्यवस्थापन संयोजक कुसुम बस्नेतले अस्पतालमा अप्नाईएको अभ्यासबारे जानकारी दिईन ।

कार्यक्रममा संघका अध्यक्ष खड्ग बहादुर बस्नेतले ब्यवसायीक हकहितसंगै सामाजिक क्षेत्रमा समेत संस्थाको पहिचान बनाउन सफल रहेको बताए । संस्थामा आवद्ध ब्यवसायीहरुको सहयोगमा आगामी दिन स्थानिय पालिकासंग समन्वय गरि फोहोर ब्यवस्थापनको लागि स्थाई स्थल निमार्णमा जोड दिएको बताए । बुटवल क्षेत्रमा मात्र ६ सय बढि ब्यवसायीहरु रहेको भन्दै यसलाई पालिकास्तरमा फोहोर ब्यवस्थापनको लागि पहल गर्न सके प्रभावकारी हुने उनको तर्क छ ।
कार्यक्रममा संघका उपाध्यक्ष माधव खनाल, महासचिव कृष्ण प्रसाद शर्मा पोखरेल, कार्यक्रममा संयोजक नारायण थापाले संवेदनसिल पेशा भएको हुदा पनि सरसफाईमा विशेष ध्यान दिन जरुरी रहेको भन्दै सबै क्षेत्रको सहकार्यमा आगामी दिनमा समस्या समाधानमा लाग्ने बताए ।