खोज

चन्द्रौटा, १३ जेठ ।

शिवराज नगरपालिकाकी उपप्रमुख शिवकुमारी थारुले “पोखरा जाऔँ प्रकृतिसँग रमाऔँ” भन्ने नारालाई सफल बनाउन आग्रह गरेकी छन् ।  कपिलवस्तुको शिवराज नगरपालिका–५, चन्द्रौटामा सोमबार भएको स्वागत तथा अन्तरक्रिया कार्यक्रमलाई सम्बोधन गर्दै उनले यस्तो बताएकी हुन् ।

पृथ्वी होटल व्यवसायी सङ्घ समिति पोखराको एक टोलीले “पोखरा जाऔँ प्रकृतिसँग रमाऔँ” भन्ने नारालाई सफल पार्न हिँडेका यात्रामा नगरपालिकाले सहयोग प्रतिबद्ध रहेको उल्लेख गरिन् । यो नारा सङ्घले मात्रै नभएर देशकै लागि गौरवकै विषय रहेकोले आन्तरिक पर्यटन प्रवर्द्धनमा सबैले हातेमालो गर्नुपर्नेमा उनले जोड्दिइन् । उनले भनिन्, “पोखरा नेपालको गौरव हो, यो केवल पृथ्वी होटल व्यवसायी सङ्घको अभियान मात्र होइन, सम्पूर्ण देशको पर्यटन प्रवर्द्धनको लागि साझा प्रयास हो । स्थानीय तहको जिम्मेवारी भनेकै यस्ता अभियानलाई जनस्तरसम्म पु¥याउने हो ।”

उनले विदेशमा निर्माण गरिएको कृत्रिम संरचनाले होइन, स्वदेशमै रहेको प्राकृतिक सुन्दरताले रमाउनुपर्नेमा उनले जोड्दिइन् । विदेश भ्रमण गरेर खर्चिनुभन्दा पोखरा लगायत स्वदेशकै पर्यटकीय स्थानमा गई पर्यटन प्रवर्द्धनमा टेवा पु¥याई आर्थिक चलायमान गर्न उनको भनाई छ ।

यस्तै पश्चिम पर्यटन भ्रमणका संयोजक विदुर ढुङ्गानाले आफूहरू होटेल व्यवसायी मात्रै नभए पर्यटन व्यवसायी समेत रहेको बताए । पछिल्लो केही समय व्यवसायीहरूमा मर्ममा रहेको बताउँदै विदेशीनु भन्दा स्वदेशमै चलायमान हुन आफूहरू आन्तरिक पर्यटक भित्र्याउन उद्देश्यले यो यात्रामा निस्किएको बताए । पोखरामा पर्यटकहरू प्रकृतिसँग रमाउन पोखरा आउन उनले आग्रह समेत गरे ।

यसैबिच वडा नम्बर ५ का वडा अध्यक्ष नेत्र प्रसाद बेल्वासेले भने,- “हामीले आफ्नै देशभित्र घुम्न र प्रकृतिसँग आत्मीयता बढाउनुपर्ने हो । पर्यटनले स्थानीय अर्थतन्त्र बलियो बनाउन सक्छ, त्यसैले यस्ता अभियानहरूमा हामीले निष्ठा र जोसका साथ सहभागी हुनुपर्छ ।” अभियानमा आवश्यक सहयोग र समन्वय गर्ने प्रतिबद्धता जनाए । उनले भने- “प्राकृतिक सुन्दरताले रमाउनु पर्दछ । हामीले नारा मात्र होइन, व्यवहारमै पर्यटन संस्कृतिको विकास गर्नुपर्छ ।”

कार्यक्रममा पोखराको पर्यटन सम्भावना, आतिथ्यता, संस्कृतिको महत्त्व र आन्तरिक पर्यटकहरूलाई आकर्षित गर्ने उपायबारे छलफल गरेका थियो । पृथ्वी होटल व्यवसायी सङ्घ पोखराले सुरु गरेको यो अभियानले “पोखरा” लाई नजिकबाट चिनाउने र स्वदेशी तथा विदेशी पर्यटकहरूलाई प्रोत्साहन गर्ने लक्ष्य राखेको छ । कार्यक्रममा मानव अधिकारकर्मी विष्णु प्रसाद खतिवडा, भूमिराज भट्टराई, होटेल व्यवसायी सङ्घका केन्द्रीय सदस्य सुनिता पौडेल, पदम ढकाल लगायतले कार्यक्रमलाई सम्बोधन गरेका होटेल तथा रेस्टुरेन्ट व्यवसायी सङ्घ कपिलवस्तुका अध्यक्ष लेखनाथ घर्तीले जनाए ।