खोज

बुटवल, १३ जेठ । विश्व थाईराईड दिवसको अवसरमा बुटवलस्थित करिश्मा पोलिक्लिनिकमा निशुल्क थाईराईडको जाच तथा परामर्श सेवा दिईएको छ । थाईराईड बारे सचेतना जगाउने उदेश्यका साथ कार्यक्रम गरिएको पोलिक्लिनिकका संचालक अशोक राईले बताए । स्वास्थ्य क्षेत्रको आम नागरिकको पहुँच बढाउन संस्थाबाट सामाजिक उत्तरदायित्वका कार्यक्रममार्फत रोगबारे सजगता र नियमित परीक्षणमा जोड दिदै आएको उनले बताए । दिउसो ३ घण्टाको अवधिमा १५० जना बिरामीहरुले परिक्षण गरिएको उनले बताए । प्रतिब्यक्ति १२ सय रुपैया बराबरको निशुल्क थाइराईडको परिक्षण सेवा र चिकित्सकिय सेवा दिएको उनले बताए ।

चिकित्सक डा प्रशान्त गुप्ताले परिक्षण गरिएको सेवाग्राहीको रिर्पोट अनुसार आवश्यक सल्लाह दिएका थिए । थाइराइड एउटा पुतली आकारको ग्रन्थी हो जुन घाँटीको अगाडि भागमा हुन्छ । यसले थाइरक्सिन (टि ४) र ट्राईआयोडोथायरोनिन (टि ३) नामक हर्मोन उत्पादन गर्छ, जसले हाम्रो शरीरको मेटाबोलिज्म, तौल, हृदय गति, मानसिक अवस्था र तापक्रम नियन्त्रणमा सहयोग गर्छ । थाइराइड एक सानो ग्रन्थी भए पनि यसको सन्तुलनले शरीरका धेरै कार्य प्रभावित पार्न सक्छ । समयमै परीक्षण, सन्तुलित जीवनशैली, र उचित उपचारले थाइराइड समस्यालाई पूर्ण रूपमा व्यवस्थापन गर्न सकिने उनले बताए ।