काठमाडौँ, १२ जेठ ।
लसुन लगभग हरेक नेपालीको भान्सामा पाइन्छ। खानाको स्वाद बढाउनुका साथै लसुनलाई स्वास्थ्यका लागि पनि निकै फाइदाजनक मानिन्छ । यसमा धेरै औषधीय गुणहरू छन्, जसले तपाईँलाई धेरै तरिकामा फाइदा पुर्याउन सक्छ। तर, लसुनलाई राम्ररी उपभोग गरिएन भने यी फाइदा भन्दा पनि उल्टै बेफाइदामा परिणत हुन सक्छन् । विशेष गरी केही चीजहरूसँग लसुनको सेवनले गम्भीर समस्याहरू बढाउन सक्छ। डाक्टरले यस्ता ३ कुरा उल्लेख गरेका छन्, जससँग लसुन खानु खतरनाक हुनसक्छ । विशेष गरी यसो गर्दा तपाईँको कलेजो र पाचनमा धेरै नराम्रो असर पर्न सक्छ। जानौँ यी ३ चिज के हुन् र किन विज्ञहरूले लसुन नखाने सल्लाह दिन्छन् ।
रगत पातलो बनाउने औषधीसँग:
लसुनमा रगत पातलो बनाउने प्राकृतिक गुण हुन्छ । यस्तो अवस्थामा रगत पातलो बनाउने कुनै पनि औषधि सेवन गरिरहनु भएको छ भने लसुनको अत्यधिक सेवनले रगत बग्ने खतरा बढ्छ । एउटा अध्ययनले लसुनसँग यी औषधि सेवन गर्दा रगत बग्ने जोखिम बढ्न सक्ने देखाएको छ । त्यसैले यस्ता औषधि सेवन गर्दै हुनुहुन्छ भने लसुनको सेवन गर्न नबिर्सनुहोस् ।
अल्कोहलसँग:
चिकित्सकका अनुसार मदिरा सेवन गर्नुअघि वा पछि लसुन खाँदा कलेजोमा असर पर्छ । लसुन र रक्सीमा पाइने यौगिकहरूको संयोजनले कलेजोको कार्यलाई असर गर्न सक्छ भने साथै पाचनमा समस्या निम्त्याउन सक्छ। अल्कोहलको साथ लसुन सेवन गर्दा पेट जलन, अपच, एसिड रिफ्लक्सजस्ता धेरै पाचन समस्या हुन सक्छ। त्यसैले यी दुई एकसाथ सेवन गर्नबाट बच्नुपर्छ ।
ग्रिन टिसँगः
यी सबै बाहेक ग्रि टि पिउनु अघि वा पछि लसुन नखान चिकित्सकहरूले सल्लाह दिन्छन् । डाक्टरहरू भन्छन्, ‘लसुन र ग्रिन टी स्वास्थ्यका लागि फाइदाजनक हुन्छ तर दुवैलाई एकैसाथ सेवन गर्नु हुँदैन । हरियो चियामा क्याफिन र अन्य सक्रिय यौगिकहरू हुन्छन्, जसलाई लसुनसँग मिलाउँदा पेट जलन र एसिडिटी हुन सक्छ। दुबैमा पाइने यौगिकहरूले पाचन प्रणालीलाई असर गर्न सक्छ । जसका कारण ग्याँस, अपच र पेट दुखाइको कारण बनाउँछ।
२८ मंसिर २०८२, आइतबार
