© २०२३
४ पुष २०८२, शुक्रबार
४ पुष २०८२, शुक्रबार
काठमाडौँ ।
भिजिट भिसा प्रकरणलाई लिएर नेकपा माओवादी केन्द्रले गृहमन्त्री रमेश लेखकको राजीनामा माग गरेको छ। सोमबार पार्टी अध्यक्ष पुष्पकमल दाहाल ‘प्रचण्ड’को निवास खुमलटारमा बसेको पदाधिकारी बैठकले गृहमन्त्री लेखकले तत्काल राजीनामा दिएर छानबिन प्रक्रिया सहज बनाउने वातावरण सिर्जना गर्नुपर्ने निष्कर्ष निकालेको हो।
बैठकपछि पत्रकारहरूसँग कुरा गर्दै माओवादी केन्द्रका प्रवक्ता अग्नि सापकोटाले राज्यका निकायहरूले छानबिन प्रक्रिया सुरु गरिसकेको अवस्थामा गृहमन्त्रीको पदमा रहनु शक्ति दुरुपयोग हुने जोखिम रहेको बताए। सापकोटाका अनुसार लेखकले ढिला नगरी राजीनामा नदिए राज्यको साख गिर्ने खतरा समेत रहेको बैठकको धारणा छ।
यसै बैठकले पार्टीको ‘मध्यपहाडी लोकमार्ग केन्द्रित अभियान’ प्रभावकारी र सफल भएको निष्कर्ष पनि निकालेको छ। प्रवक्ता सापकोटाका अनुसार जनताको उल्लेख्य उपस्थिति र आकर्षणले अभियानले अपेक्षाभन्दा बढी सफलता हासिल गरेको छ।
बैठकले साथै नेसपा र नेपा: राष्ट्रिय पार्टीसँग एकता गर्ने निर्णय समेत गरेको छ। पार्टीले निकट भविष्यमा एकताको प्रक्रियालाई औपचारिकता दिने तयारी गरिरहेको जनाइएको छ।
© २०२३
सर्वाधिकार सुरक्षित
Design & Developed By:
