दाङ ,१० जेठ ।
स्वच्छ सफा नेपाल र मुक्त कमलरी विकास मंचको आयोजना र आइएम नेपालको सहयोगमा घोराहीका युवा क्लबसंग जलवायु न्यायका लागी नेतृत्व विकास , योजना तयारी र कार्यान्वयन सम्बन्धि छ्लफल गरिएको छ ।
स्वच्छ सफा नेपालका कार्यक्रम संयोजन कैलास बिक्रम साहीले युवा पुस्तालाई जलबायु परिवर्तन र स्वच्छ राख्न के के तरिका अपनाउनुपर्छ भन्ने विषयमा जानकारी गराएको बताए । उनले जलवायु परिवर्तनले मानिसमा पार्ने असर, यसलाई न्यूनीकरण गर्न सरोकारवालाको दायित्व , युवा संजालको नेतृत्व र भूमिकाका बिषयमा छ्लफल गरिएको बताए । मुक्त कमलरी बिकास मञ्चक केन्द्रीय अध्यक्ष हिरामोती चौधरीले स्वच्छ वातावरण राख्न घर परिवारबाट सुरुवात गर्नुपर्ने र त्यसका लागि युवा क्लबको परिवार , समाज विद्यालयमा महत्त्वपूर्ण भूमिका रहने बताए ।
स्वच्छ सफा नेपालका पैरबी तथा अभियान सल्लाहकार प्रेमप्रकाश नेपालीले जलवायु परिवर्तन र चुनौतीका बारेमा जानकारी हरित गृह ग्यास उत्सर्जनका स्रोतहरुका बारेमा , पानी र खाद्य सुरक्षा कसरी सुनिश्चित गर्ने, स्वच्छ वातावरण नागरिकको मौलिक अधिकारका बारेमा जानकारी गराएका थिए । स्वच्छ सफा नेपालले वातावरण कसरी स्वच्छ बनाउने विषयमा दाङको घोराही उपमहानगरपालिका भित्रका आमा समूह, युवा क्लब मार्फत विभिन्न कार्यक्रम गर्दै आएको छ ।
१४ माघ २०८२, बुधबार
