खोज

बुटवल, १० जेठ । महिलाहरुलाई बाद्यबादन तालिममार्फत स्वावलम्बन बनाउने गरि संचालन गरिएको एक महिने तालिम समापन भएको छ । योगीकुटीस्थित सफल महिला समूहका सदस्यहरूलाई लक्षित गर्दै बुटवल उपमहानगरपालिकाको आर्थिक सहयोगमा संचालनमा आएको तालिमको समापन कार्यक्रममा शनिबार बुटवल उपमहानगरपालिकाका नगरप्रमुख खेलराज पाण्डेले सहभागीहरुलाई प्रमाणपत्र वितरण गरेका छन ।

कार्यक्रममा नगरप्रमुख पाण्डेले तालिममार्फत नगरभित्रका महिला समूहहरूलाई ब्यवहारिक र सीपमूलक तालिममा जोड दिएको बताए । आर्थिक रूपमा सबल भएमात्र महिलाहरु आत्मनिर्भर बन्ने तर्क दिदै उनले महिला समूहले सिमित बजेटवाट दिइएको सिकाईलाई ब्यवहारमा लागू गर्न सुझाव दिए ।

कार्यक्रममा समूहका अध्यक्ष शान्ति घिमिरेले हार्मोनियम र मादल वादनको प्रशिक्षणबाट संस्कृति संरक्षणसंगै विभिन्न भजनकिर्तनमा समेत ब्यवसायिक रुपमा अप्नाउन सकिने बताए ।

कार्यक्रममा वडा नं ११ की कार्यपालिका सदस्य हेमा थामी, बुटवल उपमहानगरपालिका सामाजिक शाखाकी सहनसिला कक्षपति, दीपावली सहकारी संस्थाका अध्यक्ष चण्डी प्रसाद न्यौपाने, देवस्थल मन्दिरका अध्यक्ष पुष्पा शर्मा, पश्चिम शिद्धनगर टोल विकास संस्थाका अध्यक्ष माया वेलवासे, प्रशिक्षक राजु दर्लामी, सहजकर्ता हरिप्रसाद उपाध्यायले यस किसिमको तालिम आगामी दिनमा समेत संचालन गर्न सुझाव दिए ।

बैशाख ८ गतेबाट शुरु भएको बाद्य सामाग्री (मादल तथा हार्मोनियम ) बजाउने तालिममा ४५ जना प्रशिक्षार्थीहरु सहभागी भएका संस्थाकी सदस्य कविता न्यौपानेले बताईन ।