खोज

बुटवल, ०९ जेठ ।
बुटवल हस्पिटल प्रालिमा पहिलो पटक दुवै घुंडाको एकै पटक सफल प्रत्यारोपण भएको छ । वरिष्ठ अर्थोपेडिक सर्जन डाक्टर उत्सव रेग्मी नेतृत्वको टिमबाट दुवै खुट्टाको घुंडामा हुने जोर्नीको प्रत्यारोपण गरिएको हो । यस्तो शल्यक्रिया बुटवल क्षेत्रमा सम्भवत पहिलो पटक भएको डा. रेग्मीको दावी छ । विश्व प्रशिद्ध अमेरिकन कम्पनी म्याक्सको कृत्रिम जोर्नीको प्रयोग गरी विग्रिएको जोर्नीलाई बिस्थापित गरी नयाँ जोर्नीको निर्माण गरिएको डाक्टरको भनाइ छ । दरवार गाउँपालिका गुल्मी स्थायी घर भई बुटवलको वेलवरियामा बस्दै आउनु भएकी ५३ वर्षिया पुर्णकला सोमैको बुटवल हस्पिटल प्रालिमा शल्यक्रिया भएको हो । उनि लामो समयदेखि जोर्नी खिइने रोग अस्टिओआर्थाइटिसुबाट पीडित थिईन् ।

घुँडामा धेरै दुखाइ हुनुका साथै जोर्नी बाङ्गो भएर हिँडडुल गर्न नसक्ने भएपछि उपचारको निमित्त उनले अस्पतालहरूमा धाउन थालेकी हुन् । बुटवल हस्पिटल प्रा लिमा यस्तो खालको घुंडाको प्रत्यारोपण हुन्छ भन्ने कुरा चिकित्सकहरूबाट सुनेदेखि नै उनमा आफु पहिलेकै अवस्थामा फकिन्छु कि भन्ने आशा पलाएको थियो । घुंडाको प्रत्यारोपण भएको ५ दिन पछि नै उनी सामान्य साहरामा हिँडडुल गर्न थालिसकेको पुर्णकलाका श्रीमान् भुवन सिंहले बताए ।  अस्पतालबाट घर पर्किने वेलामा सामान्य हिँडडुल गरेकी पुर्णकलाले आफु पहिलेको अवस्थामै फर्किन लागेको भन्दै खुशी व्यक्त गरिन् । कुराकानीका क्रममा उनले भने –‘पहिला त म अब वाचुञ्जेल यस्तै कँुजि भएर बस्नु पर्ने होला भन्ने थियो तर बुटवल हस्पिटलमा भएको उपचारपछि मैले अर्को जन्म पाएको महसुस भएको छ ।’ उनले थपे ‘ पहिला त घुंडा नुग्ने नै थिएन त्यसैले हिँडडुलको त कुरै भएन एकै ठाउमा बसेको बसै गर्ने गर्दथे । ’

शल्यक्रियामा डा. रेग्मीसंगै बुटवल हस्पिटल प्रा लिमा कार्यरत हाडजोर्नी रोगविशेषज्ञ डा. समिर उल्लाह र डा दिपेन्द्र यादव तथा बुटवल हस्पिटल कै डा. प्रल्लाद अधिकारीको एनेस्थेसियाको टिमले शल्यक्रिया गरेको हो । बुटवल हस्पिटल प्रालिमा कार्यरत डा रेग्मीले चिकित्सा विज्ञान राष्ट्रिय प्रतिष्ठान विर अस्पताल बाट जोर्नी सम्वन्धी समस्यामा फेलोसिप तालिम लिएका थिईन् । घुंडा प्रत्यारोपण पछि डा. रेग्मीले पहिलो पटक दुवै घुंडाको एकैपटक सर्जरी भएकोले काठमाडौंका चिकित्सकहरूको समेत सहयोग लिएको बताए । उनले अबका दिनमा यस्तो अप्रेशनका लागि हस्पिटलकै टिम तयार हुने पनि बताए ।

कृत्रिम जोर्नी ( इल्म्पलान्ट) अलि महंगो पर्ने भएपनि काठमाडौं भन्दा सस्तो मुल्यमा बुटवलमा घुडाको प्रत्यारोपण सर्जरी भएको हो । सुलभ दरमा कृत्रिम जोर्नी (इल्म्पलान्ट) उपलब्ध गराउन सरकार या सरोकारवाला नियकाले पहल गरेमा यस्तो समस्याबाट दुःख पाएका बिरामीका लागि जोर्नी प्रत्यारोपण शल्यक्रिया बरदान सावित हुने बुटवल हस्पिटलका अध्यक्ष चुन्न प्रसाद पौडेलले बताए । हाडजोर्नी समस्यामा यस प्रकारको अत्याधुनिक तथा जटिल शल्यकृया बुटवलमा हुने भएपछि महंगो खर्चमा उपचारको निमित्त काठमाडौं वा भारतका बिभिन्न ठाउँमा भौतारिनु पर्ने अवस्थाको अन्त्य भएको पनि उनको भनाई छ ।