© २०२३
५ पुष २०८२, शनिबार
५ पुष २०८२, शनिबार
जेनेभा ।
नेपाल विश्व स्वास्थ्य संगठनको कार्यकारी समितिमा सर्वसम्मत निर्वाचित भएको छ। जेनेभामा जारी संगठनको ७८औँ महासभाको क्रममा नेपाल दक्षिणपूर्वी एसिया क्षेत्रबाट कार्यकारी सदस्यमा चयन भएको हो। योसँगै नेपाल आगामी तीन वर्षसम्म समितिमा रहनेछ।
स्वास्थ्य तथा जनसंख्या मन्त्री प्रदीप पौडेलले नेपालको निर्वाचनलाई स्वास्थ्य सेवा सुधारको दिशामा ऐतिहासिक अवसरको रूपमा व्याख्या गरेका छन्। उनले नेपालको सफल स्वास्थ्य अभ्यासहरूलाई अन्तर्राष्ट्रिय रूपमा प्रस्तुत गर्न र विश्वभरका उत्कृष्ट अभ्यासहरूलाई अनुकरण गर्न यसले ठूलो सहयोग पुर्याउने बताए।
मन्त्री पौडेलले सम्पूर्ण नेपालीलाई बधाई दिँदै, अबको प्राथमिकता आप्रवासी श्रमिकको स्वास्थ्य सुरक्षामा केन्द्रित रहने जनाए। उनले आगामी वर्ष नेपालले रोजगारदातालाई श्रमिकको स्वास्थ्यका लागि उत्तरदायी बनाउने सन्देशसहित संकल्प प्रस्ताव लैजाने तयारी गरिरहेको उल्लेख गरे।
उनको भनाइमा, “यसले नेपाली मात्र होइन, विश्वभरका श्रमिकको स्वास्थ्य अधिकारको प्रवर्द्धनमा महत्वपूर्ण भूमिका खेल्नेछ।” नेपालको यो भूमिका अन्तर्राष्ट्रिय मञ्चमा स्वास्थ्य अधिकारका सवालमा सक्रियता बढाउने अपेक्षा गरिएको छ।
© २०२३
सर्वाधिकार सुरक्षित
Design & Developed By:
