© २०२३
२० मंसिर २०८२, शनिबार
२० मंसिर २०८२, शनिबार
काठमाडौं ।
सोह्रखुट्टेस्थित दिगो पर्यटन सहकारी संस्थाबाट लिएको ऋण तिर्न अटेर गरेपछि नेकपा एमाले पेसागत विशेष प्रदेश कमिटीका सदस्य कृष्ण कुमार अर्याललाई प्रहरीले पक्राउ गरेको छ।
उपत्यका अपराध अनुसन्धान कार्यालयका एसपी काजी कुमार आचार्यका अनुसार, ललितपुर महानगरपालिका–३, सानेपामा बसोबास गर्ने अर्याललाई सहकारीले दायर गरेको मुद्दाको आधारमा पक्राउ गरिएको हो।
काठमाडौँ जिल्ला अदालतले २०८० असार २७ गते अर्याललाई ११ लाख ५० हजार रुपैयाँ बिगो र जरिवानासहित एक वर्ष कैद सजायको फैसला गरेको थियो। अदालतको आदेशपछि पनि उनले रकम भुक्तानी नगरी अटेर गरेपछि अदालतको निर्णय कार्यान्वयन गराउन प्रहरीले उनलाई नियन्त्रणमा लिएको हो।
अर्याल नेपाल पर्यटन बोर्डका पूर्वसदस्यसमेत हुन्। अदालतको आदेशको पालना नगरेर अटेर बसेको भन्दै उनलाई पक्राउ गरिएको प्रहरीले जनाएको छ।
यस घटनाले सहकारी संस्थाहरूबाट लिइएको ऋण तिर्न नसक्दा वा नतिरेर बसेको समस्या र त्यसको कानुनी कार्यान्वयन प्रक्रियाप्रति पनि पुनः ध्यानाकर्षण भएको छ।
© २०२३
सर्वाधिकार सुरक्षित
Design & Developed By:
