© 2026
१६ माघ २०८२, शुक्रबार
१६ माघ २०८२, शुक्रबार
काठमाडौँ ।
हिजो उच्च अङ्कले उकालो लागेको शेयर बजार आज भने पुनः घटेको छ। नेपाल राष्ट्र बैंकमा नयाँ गभर्नर नियुक्त भएको भोलिपल्टको दिन शेयर बजारमा सुरुवाती उत्साह देखिए पनि दिनको अन्त्यसम्म आइपुग्दा बजार कमजोर भएको हो।
आज बिहानको ‘प्रि–ओपनिङ’ सेसनमा नेप्से सूचक ३७.७९ अङ्कले बढेर सकारात्मक सुरुवात गरेको थियो। तर कारोबारको अन्त्यतिर आइपुग्दा नेप्से ७.९४ अङ्कले घटेर २६६९.५१ विन्दुमा झर्यो। दिउँसो ११:०३ बजे सूचक २७७१ विन्दु पुगेर उच्च बिन्दु छोए पनि त्यहाँ टिक्न सकेन।
बैंक, विकास बैंक र म्युचुअल फन्ड समूह बाहेक सबै समूहको सूचकमा गिरावट देखिएको आज जलविद्युत् समूहको सूचक १ प्रतिशतले घट्यो। विशेषगरी श्वेत–गङ्गा हाइड्रोपावर एन्ड कन्स्ट्रक्शन कम्पनीको शेयर मूल्यमा ८ प्रतिशतभन्दा बढीको गिरावट आयो भने ओम मेगाश्री फर्मास्युटिकल्सको शेयर मूल्य १० प्रतिशतले घट्दै आजको सबैभन्दा ठूलो घाटा ब्यहोर्ने कम्पनी बन्न पुग्यो।
यद्यपि नेप्से सूचकमा गिरावट आउँदा पनि कारोबार रकम भने उत्साहजनक देखियो। हिजो ७ अर्ब ३१ करोड रुपैयाँको कारोबार भएकोमा आज ३१६ वटा कम्पनीका २ करोड ३० लाख कित्ता शेयर १० अर्ब ६९ करोड रुपैयाँमा किनबेच भए।
नयाँ गभर्नर नियुक्तिसँगै प्रारम्भिक आशावाद देखिए पनि बजारमा रहेको अस्थिरता तथा लगानीकर्ताको सतर्कता अझै कायमै रहेको देखिएको छ।
© 2026
All rights reserved.
Design & Developed By:
