खोज

बर्दिया, ५ जेठ ।
बाँसगढी नगरपारलीका वडा नं ५ का किसानहरुले एकै पटकमा ७० ओटा खसी बोका १२ लाख ५७ हजार ९ सय ७० रुपैयाँमा बिक्री गरेको छन् । उक्त खसी बोका खरिद गरी १२ लाख ८२ हजार रुपैयाँमा बिक्री गरिएको बाँसगढी नगरपालिका वडा नम्बर ५ मा रहेको लक्ष्यदीप सामाजिक उद्यमी महिला सहकारी संस्था लिमिटेडका प्रमुख प्रवन्धक शान्ता सुवेदीले जानकारी दिए ।

सहकारी आइतबार एकदिनमै ७० वटा खसी–बोका किसानसँग खरिद गरी व्यापारीलाई बिक्री गर्न सफल भएको छ । किसानले उत्पादन गरेका खसी–बोका अब सहकारी मार्फत सोझै बजारमा पुग्ने भएका छन् । ७० ओटा खसी बोकाको २ हजार ४ सय ३ केजी तौल रहेको थियो । “व्यापारीबाट ३५ वटा खसी–बोकाको मात्रै माग भए पनि हामीले ७० वटा खरिद गरेर बिक्री ग¥यौं । मागभन्दा बढी १५ वटा खसी–बोका फिर्ता पठाइएको थियो ।

सहकारीले चालु आर्थिक वर्षको साउनदेखि हालसम्म करिब ५ सय ५० वटा खसी–बोका किसानसँग खरिद गरी झण्डै १ करोड ५० लाख रुपैयाँ बराबरको कारोवार गरिसकेको छ । सहकारीकी अध्यक्ष सरला शर्माले किसानको उत्पादन विचौलियाको हातमा नपरोस् भन्ने उद्देश्यले प्रतिकिलो तौलका आधारमा खरिद तथा बिक्री गर्दै आएको बताए । उनले यस्तो प्रयासले किसानलाई प्रत्यक्ष बजारसँग पहुँच दिलाउनुका साथै उत्पादनको उचित मूल्य पाउने सुनिश्चितता मिलेको बताए । स्थानीय स्तरमा कृषिमुखी व्यवसाय प्रवद्र्धन गर्दै आएको लक्ष्यदिप सहकारीको खसी बोका बिक्री वितरणको पहलकदमीले पशुपालन व्यवसायप्रति किसानमा थप उत्साह जागेको अध्यक्ष शर्माको भनाई छ ।