© २०२३
२८ मंसिर २०८२, आइतबार
२८ मंसिर २०८२, आइतबार
काठमाडौँ ।
नेकपा (माओवादी केन्द्र)का सांसद रणेन्द्र बरालीले पक्राउ पुर्जी जारी भइसकेका सांसद विष्णुप्रसाद पन्थीलाई प्रहरीले नपक्रिएको भन्दै प्रतिनिधि सभामा आपत्ति जनाएका छन्। मंगलवारको बैठकमा बोल्दै उनले लुम्बिनी प्रदेशका एमाले सांसद पन्थी प्रधानमन्त्रीसँगै सार्वजनिक कार्यक्रममा देखिँदा पनि कानूनी प्रक्रिया नचलेकोप्रति आक्रोश व्यक्त गरे।
बरालीले पन्थी सोमवार लुम्बिनीमा आयोजित बुद्ध जयन्ती समारोहमा प्रमुख अतिथिका रूपमा सहभागी भएको उल्लेख गर्दै भने, “पक्राउ पुर्जी जारी भइसकेको व्यक्ति प्रधानमन्त्रीसँगै कुम जोडेर मञ्चमा बस्छन्, अनि प्रहरीले भेटिएन भनेर रिपोर्ट दिन्छ। सुशासनको कुन नमुना हो यो?”
सांसद बरालीले सरकारको निष्क्रियता गभर्नर नियुक्तिमा पनि देखिएको बताए। “गभर्नरको पद रिक्त छ, इतिहासमा कहिल्यै नभएको ढिलाइ भएको छ,” उनले भने, “दुनियाँले हेरेको छ, तर सरकारले देखिने गरी केही गरिरहेको छैन।”
बरालीको धारणा अनुसार सरकार सुशासनको नारा मात्र बोकेर बसेको छ, व्यवहारमा भने त्यसको उल्टो देखिन्छ। संसदभित्र उठाइएको यो प्रश्नले शासनप्रणालीप्रतिको जनविश्वास र सरकारको उत्तरदायित्वमा गम्भीर बहस सिर्जना गरेको छ।
© २०२३
सर्वाधिकार सुरक्षित
Design & Developed By:
