© 2026
१४ माघ २०८२, बुधबार
१४ माघ २०८२, बुधबार
काठमाडौं ।
भारतको पञ्जाब स्थित अमृतसर जिल्लाको मजिठामा विषाक्त मदिरा सेवनबाट १४ जनाको ज्यान गएको छ भने ६ जनाको अवस्था गम्भीर रहेको खबर सार्वजनिक भएको छ। भारतीय सञ्चार माध्यमहरूको अनुसार, यो घटनामा नक्कली मदिरा सेवन गर्दा ती व्यक्तिहरूको मृत्यु भएको हो।
अमृतसरका वरिष्ठ प्रहरी अधिकारी (एसएसपी) मनिन्दर सिंहले जानकारी दिएका छन् कि घटनामा संलग्न चार जनालाई नियन्त्रणमा लिइएको छ, र ती सबै व्यक्तिहरूको नक्कली मदिरा सप्लाइ गर्ने कार्यमा संलग्न थिए। यस्ता घटनाहरू अमृतसरको भंगाली, पातालपुरी, मरारीकला, थेरेवाल र तलबन्डी घुम्मन जस्ता विभिन्न गाउँमा भएका छन्।
घटनाबारे थाहा पाएपछि पञ्जाब राज्य सरकारले कडा कदम उठाउने तयारी गरिरहेको छ र नक्कली मदिरा वितरण गर्ने व्यक्तिहरूलाई कडा कारबाही गर्ने निर्देशन दिइएको छ। साथै, अमृतसर प्रहरीले घटनास्थलका सबै गाउँमा मेडिकल टिम पठाएर मदिराका परीक्षण कार्य थालिएको छ।
© 2026
All rights reserved.
Design & Developed By:
