खोज

लुम्बिनी, २९ वैशाख ।
लुम्बिनी होटल संघ नेपालको आयोजनामा लुम्बिनीमा यस बर्ष बुद्ध जयन्तीको अवसरमा ‘लुम्बिनी बौद्ध सांस्कृतिक तथा खाना महोत्सव २०८२’ हुँदैछ । महोत्सवलाई भब्य बनाउन र लुम्बिनीको बौद्ध आध्यात्मिक सास्कृतिक संभावना र त्यसले लुम्बिनीको समग्र पर्यटन क्षेत्रमा पार्ने सकारात्मक प्रभाव समेतलाइ ध्यानमा राख्दै र लुम्बिनीमा हरेक वर्ष बुद्ध जयन्तीको अवसरमा साँझ केही कार्यक्रम नहुदाको खल्लो पन महशुश भएको हुँदा यस संघले पनि बुद्ध जयन्तीलाई महोत्सवको रूपमा मनाउन केही महत्वपूर्ण गरिएको हो ।

बुद्ध जयन्तीको दिन “लुम्बिनी बौद्ध सांस्कृतिक तथा खाना महोत्सव २०८२“ भब्य रूपमा लुम्बिनी होटल संघ नेपाल, लुम्बिनी सांस्कृतिक नगरपालिका, लुम्बिनी विकास कोष र लुम्बिनी पर्यटन विकास परिषद समेतको सयुक्त आयोजनामा उक्त कार्यक्रम आयोजना हुने छ । बैशाख २९ गते लुम्बिनीको शान्तिदिप छेउ केन्द्रीय नहरको पूर्वपट्टि फुटपाथमा बौद्ध सांस्कृतिक साङ्गितिक प्रस्तुतिका साथमा शुद्ध शाकाहारी भोजनका परिकारहरू नेपाली, थारु, नेवारी, पाल्पाली, गुरुङ, मगर खाना परिकारहरूसहित इन्डियन, थाइ, चाइनिज आदि विभिन्न राष्ट्रिय अन्तरास्ट्रिय खानाका खानाका परिकारहरूका स्टलहरू रहने लुम्बिनी होटल सघका अध्यक्ष गोबिन्द ज्ञवालीले जानकारी दिए ।

उक्त कार्यक्रमका बुद्ध सम्बन्धित नाट्य प्रस्तुतिहरू बुद्धमय फ्लेभर आउने गरी कार्यक्रम हुनेछ भने आरोहण गुरुकुल नाटय स्कुलको बेजोड बुद्ध सम्बन्धी नाटक ‘गच्छामी’, मंचन हुनेछ साथै विभिन्न ख्याती प्राप्त कलाकारहरू द्वारा बौद्ध गित सङ्गितको प्रस्तुति रहनेछ, साथमा स्थानीय बुद्ध बिरहा गित, लुम्बिनी थारु आदिवासी समूह द्वारा स्थानिय थारु गित तथा नृत्य सहितको विभिन्न बौद्ध गीत संगीत प्रस्तुत गरिने लुम्बिनी होटल संघका महासचिव पुरुर्षोत्तम आर्यालले जानकारी दिए । कार्यक्रमको समुद्घाटन लुम्बिनी प्रदेशका मुख्यमन्त्री माननीय चेतनारायण आचार्यले गर्नेछन् । लुम्बिनी प्रदेशका भौतिक पूर्वाधार विकास मन्त्री भुमेश्वर ढकाल, नेपाल संगीत तथा नाट्य प्रज्ञा प्रतिष्ठानका कुलपती माननीय निशा शर्मा, लुम्बिनी बिकास कोषका उपाध्यक्ष डा. ल्यारक्याल लामाज्यु लगायतका बिशिष्ट व्यत्तित्वहरूको सहभागिता रहने जनाइएको छ ।