खोज

पाल्पा, २८ बैशाख ।
तराई पहाडलाई मात्र नभएर हिमाललाई पनि जोडछ । त्यतिमात्रै होइन दुई प्रदेशलाई पनि जोड्छ । तर त्यही ‘नमुना पुल’ को निर्माणमा ढिलाई भइरहेको छ । कालीगण्डकी नदीमा निर्माण हुन लागेको देशकै एक मात्र नमुना पुलको निर्माण कार्यले गति लिन सकेको छैन् । लुम्बिनी प्रदेश र गण्डकी प्रदेशलाई जोड्ने राम्दीको पुल निकै पुरानो र जिर्ण हुँदै गएपछि थाइलाण्डका डिजाइनरले डिजाइन गरेको नमुना पुलको निर्माणको म्याद सकिन लाग्दा ७० प्रतिशत मात्र भौतिक प्रगती भएको छ ।
तिन वर्षमा निर्माण कार्य सम्पन्न गर्ने गरी २७ करोड ७१ लाख ९ हजार ६ सय रूपैयाँमा चितवनको हिम शिखर सगरमाथा प्रा.लीले २०७९ सालको आसार ३१ गत ठेक्का संझौता गरेपनि निर्माण कम्पनीले विभिन्न कारण देखाउँदै तिव्र गतिमा काम नगर्दा भौतिक प्रगति पुरा हुन नसकेको स्थानीयहरू बताउँछन् । राम्दीका स्थानीय नन्द किशोर अमात्य भन्दछन् २०२८ सालमा निर्मीत पुलको भारवहन क्षमता १२ टन हो । जव काली गण्डकी जलविद्युत परियोजना निर्माणका लागि निर्माणजन्य सामग्री र अन्य सामग्री ढुवानी गर्दा अत्याधिक भारवहन युक्त माल वाहक गाडी अत्यधिक मात्रामा गुड्दा पुल भत्केको थियो । पुलको मर्मत सभांरको माग गर्दै स्थानीयले पटक पटक आन्दोलन पनि गरेका थिए ।

ठूलो प्रयासबाट पुल निर्माणका लागि अगाडि बढेको हो । तर निर्माण कम्पनीले समयमा काम पुरा गर्न नसकेको उनी बताउँछन् । राम्दीमा निर्माण हुने पुल देशकै एक नमुना पुल हो । यस्तो डिजाइनको भुटानमा एक, चिन दुवइमा प्रसस्त छन् । यो प्रकारको पुल नेपाल कै पहिलो हो । १ सय २० मिटर लामो हुने प्राविधिकहरू बताउँछन् । सिद्धार्थ राजमार्ग निर्माण कार्य पुरा भएपछि नदीमा फेरी मार्फत सवारीका साधन वारपार गर्ने हो । जब पुल बन्यो त्यसपछि हिउद न वर्षा बाह्रै महिना आवतजावत गर्न सजिलो भएको पुराना पुस्ताका स्थानीय राम प्रसाद अर्याल बताउँछन् । निर्माण कम्पनीले ठेक्का संझौता गरेको एक वर्षसम्म कामको सुरुवात नगरी बस्यो । बाँकी दुई वर्ष पनि काम सुस्त सुस्त अगाडि बढाएको हो । निर्माण कम्पनीलाई काम लगाउने कार्यालय पनि टाढा भयो । पोखरा बाट यहा हेर्ने हो । त्यसैले गर्दा पनि काममा ढिलो भएको कपिल दर्लामी बताउँछन् ।

पहिलो त पुलमा हलुका सवारीका साधन गुड्दा पनि हल्लने गर्दथियो । पाच दशक भन्दा पुरानो पुलको रंग रोगन भन्दा केही भएको थिएन । नटबोल्ट कहाबाट कुन बेला फुस्कने हो त्रास थियो । नया पुल निर्माण हुन लाग्दा निकै खुसी भएको र दुवै जिल्लाको ठेक्का सम्झौता गरेको एक वर्ष सम्म निर्माण कम्पनी निर्माण स्थलमा नआउदा त आशा नै मरि सकेको थियो । ढिलो नै आयो र काम पनि ढिलो नै भएको स्थानि खुमकला श्रेष्ठ बताउँछिन् । २०२८ सालमा निर्माण कार्य पुरा भई तत्कालिन प्रधान मन्त्री किर्तीनिधी बिष्टले उद्घाटन गरेका हुन् । पहिले पहिले सडकमा सवारीको चाप नै थिएन । पछिल्लो समयमा भारतदेखि चिनको सिमाना सम्म यातायातका साधनहरू गुड्न लागे । पहिला कम भारवहन युक्तमा मालवहाक साधन थिए । अहिले ४० टन क्षमताका मालवहाक सवारीका साधन गुड्छन् । त्यसैले यसको आवश्यकता भएको स्थानियहरू बताउछन् । बिना स्पानको नया प्रविधिबाट निर्मीत यस पुलले तराई देखि पहाड हुँदै हिमालसम्म व्यापारीक दृष्टिकोणले पनि उत्तिकै महत्व भएको स्थानीयहरू बताउँछन् ।