© २०२३
१९ मंसिर २०८२, शुक्रबार
१९ मंसिर २०८२, शुक्रबार
काठमाडौं ।
शनिबार भारत र पाकिस्तानबीच युद्धविरामको सहमति भएपछि आइतबार भारतीय प्रधानमन्त्री नरेन्द्र मोदीले आफ्नो निवासमा सुरक्षा मामिलामा केन्द्रित एक महत्वपूर्ण उच्चस्तरीय बैठक आह्वान गरेका छन्।
उक्त बैठकमा रक्षामन्त्री राजनाथ सिंह, प्रमुख रक्षा अध्यक्ष जनरल अनिल चौहान, तीनै सशस्त्र सेनाका प्रमुखहरू, राष्ट्रिय सुरक्षा सल्लाहकार अजित डोभाल तथा गुप्तचर संस्था आईबी र रअका प्रमुखहरूको उपस्थिति रहेको भारतीय सञ्चारमाध्यमहरूले जनाएका छन्।
त्यसैगरी, युद्धविरामपछिको अवस्थाबारे रिपोर्ट गर्दा भारतीय सञ्चारमाध्यमहरूले राजस्थान, पञ्जाब, र जम्मु–कश्मीरका सीमावर्ती क्षेत्रमा आइतबार बिहानसम्म स्थिति सामान्य रहेको उल्लेख गरेका छन्।
यसबीच, भारत सरकारले जम्मु कश्मीरको रामवनस्थित बगलिहार र सालार बाँधका ढोका पनि खोलेको पुष्टि भएको छ, जुन निर्णय सुरक्षात्मक वा रणनीतिक सन्दर्भमा महत्वपूर्ण ठानिएको छ।
© २०२३
सर्वाधिकार सुरक्षित
Design & Developed By:
