खोज

बर्दिया,२६ बैशाख ।

वैशाखको अन्तिमसम्म आउँदा बाँके, बर्दिया सहित तराईका जिल्लाहरुमा अत्याधिक रुपमा गर्मी बढेको छ । अप्रत्याशित रुपमा गर्मी बढेपछि बाँके र बर्दिया लगायत आसपासका जिल्लाको जनजीवन कष्टकर बनेको छ । त्यसमा पनि आजभोली बाँके नेपालगंजमा अत्यधिक गर्मी बढेको कारणले दिउँसोको समयमा बाहिर निस्कनै नसकिने गरी गर्मी बढेको छ ।

जल तथा मौसम विभागको मौसम पूर्वानुमान महाशाखाले लुम्बिनी प्रदेशका तराई भू–भागमा केही स्थानमा ४० डिग्री सेल्सियस भन्दा बढी तापक्रम पुग्ने जनाएको छ । बाँकेलगायतका जिल्लामा चर्को गर्मीसहित तातो हावा (लु) समेत चल्न शुरु गरेको छ । गर्मीका कारण बालबालिका र वृद्धवृद्धा सबैभन्दा बढी मर्कामा परेको नेपालगञ्जका स्थानीय कक्षा ३ धम्बोझी माध्यमिक विद्यालयका छात्रा रितु केसीले बताइन । उनले चर्को घाम र तातो हावाले स्कुल जान र आउन निकै गह्रो भइरहेको बताइन ।

तराईका जिल्लाहरुमा चर्को घामसँगै तातो हावा चल्न शुरु गरेपछि दिउँसो घरबाट बाहिर निस्कनै नसकिने अवस्था आएको बाँकेको जानकी गाउँपालिका वडा नं. ३ का स्थानीय रामु वर्माले बताए । गर्मीका कारण सेवाग्राहीको संख्या घटेको बढेयाताल गाँउपालिका वडा नम्बर ५ का वडा अध्यक्ष तुला राम थारुले बताए । ‘पहिलेको तुलनामा आज भोली काम लिएर आउनेको संख्या कम भएको छ,’ उनले भने, ‘अत्यावश्यक कामका लागि मात्र सेवाग्राही आइरहेका छन् ।’गर्मीका कारण स्वास्थ्य संस्थामा बिरामीहरुको चाप समेत बढ्न थालेको छ ।

वडा कार्यालयकै प्रांगनमा प्राथमिक स्वास्थ्य चौकीमा आज भोली बिरामीको संख्या धेरै बढेका छन त्यहाँ भात्र नभएर पालिकाको सबै स्वास्थ्य चौकीहरुमा बिरामीको चाप बढेको बढैयाताल गाँउपालिका स्वास्थ्य शाखाका प्रमुख विष्णु सापकोटाले बताए । तराईका जिल्लाहरुमा चर्को घाम र तातो हावा चलेका बेला सकेसम्म बाहिर ननिस्किन नै राम्रो हुने देखिन्छ । कामका लागि बाहिर निस्कनै परे शरीर पुरै छोप्ने गरी कपडा लगाएर, छाता ओढेर र झोलिलो चिज प्रसस्त मात्रामा सेवन गर्ने । आज भोली नेपालगंज बजार क्षेत्रमा गर्मीको समयमा अरु व्यवसायको व्यापार घटेपनि जुसजन्य पदार्थको व्यापार भने बढको छ ।