खोज

कपिलवस्तु,२५ बैशाख ।
नेपाली काँग्रेस पार्टीको शुभेच्छुक संगठन लोकतान्त्रिक निर्माण व्यवसायी संघ कपिलवस्तुको पहिलो जिल्ला अधिवेशनले मुख्तार अहमद खाँको अध्यक्षतामा १६ सदस्यीय नयाँ जिल्ला कार्य समिति निर्विरोध चयन गरेको छ । बिपि स्मृती भवन तौलिहवामा सम्पन्न अधिवेशनले उपाध्यक्षमा मोहन केसी, बिनोद अधिकारी, महासचिवमा ईश्वरचन्द्र गुप्ता, उप महासचिवमा कृष्ण पोख्रेल र अब्दुल गफ्फार दर्जी, कोषाध्यक्षमा राजन बढई तथा सहकोषाध्यक्षमा दीपेश कुमार श्रेष्ठलाई चयन गरेको हो । निर्विरोध निर्वाचित समितिका सदस्यहरुमा सुनिल कुमार पाण्डेय, गम्मा रैदास, प्रह्लाद कहाँर, अजय पाण्डेय, दिपेन्द्र तिवारी, संतोष यादव, चन्द्रकान्त पोख्रेल र महिला सदस्यमा मधु गौतम भुसाल रहेका छन् । निर्वाचित समितिका अध्यक्षले थप ५ सदस्य मनोनयन गरे सगै २१ सदस्यीय जिल्ला कार्य समिति हुने लोकतान्त्रिक निर्माण व्यवसायी संघ लुम्बिनी प्रदेशका संयोजक विश्व कुमार चन्दले जानकारी दिए ।

संघको उदघाटनमा बोल्दै नेपाली काँग्रेस लुम्बिनी प्रदेशका सभापति अमरसिंह पुनले राज्यले निर्माण व्यवसायीको रकम समयमै भुक्तानी गर्न नसकै कारण निर्माण व्यवसायीको बदनामी हुने प्रवृत्ति उचित नभएको बताए । सार्वजनिक खरिद ऐन पटक पटक संसोधन गरिए पनि ऐन साना निर्माण व्यवसायी हुन नसकेको पुनको भनाई थियो । निर्माण व्यवसायीले बढीमा ५ वटा मात्रै ठेक्का लिन पाउने व्यवस्था साना निर्माण व्यवसायीको पक्षमा नरहेको उनको स्पष्टोक्ति थियो । निर्माण व्यवसायीले समयमै गुणस्तरीय निर्माण गरेर उदाहरण पेश गर्नु पर्ने सुझाव दिदै लोकतान्त्रिक निर्माण व्यवसायी संघले सबै निर्माण व्यवसायीको हक हितका लागी काम गर्नु पर्नेमा उनको जोड थियो । अब निर्माण व्यवसाय क्षेत्रलाई सम्मानित पेशाको रुपमा अगाडि बढाउन संघको पहल कदमी आवश्यक रहेको उनले बताए ।

संघले सबै निर्माण व्यवसायीको हकहितमा निरन्तर कार्य गर्ने लोकतान्त्रिक निर्माण व्यवसायी संघ लुम्बिनी प्रदेशका संयोजक विश्व कुमार चन्दले प्रतिबद्धता जनाए । काँग्रेस स्थानीय देखि संघको सरकारमा उपस्थित रहे पनि कार्य सम्पादनको कमजोरीले समाज र नागरिक स्तरले प्रश्न उठाउन थालेको काँग्रेस लुम्बिनी प्रदेशका कोषाध्यक्ष प्रकाश रानाले बताए । निर्माण व्यवसायीले गुणस्तरमा ध्यान दिनु पर्ने र सरकारले समेत निर्माणमैत्री कानुन निर्माण गर्नु पर्नेमा पुर्व प्रदेश राज्यमन्त्री रिना नेपाल बिकले जोड दिइन । सार्वजनिक खरिद ऐनको चौधौं शंसोधनले समेत निर्माण व्यवसायीको माग सम्बोधन गर्न नसकेको लोकतान्त्रिक निर्माण व्यवसायी संघका कन्द्रीय सदस्य रुद्र शर्माले बताए । निर्माण व्यवसायीका समस्या निराकरणमा राज्यले ध्यान दिनु पर्ने लुम्बिनी प्रदेशसभाका सदस्य सुधाकर पाण्डेयको भनाई थियो ।

संघको संरचना मात्रै होइन पार्टीका सबै तहको नेतृत्वले अनुशासनलाई प्राथमिकता दिनु पर्ने पुर्व जिल्ला पार्टी सभापति राजेश आचार्यले बताए । आफु कपिलवस्तु बहुमुखी क्याम्पसको अध्यक्षमा पार्टीको उम्मेदवार भए पनि कतिपय जिम्मेवार व्यक्तिले नै असहयोग गरेको पुर्व पार्टी सचिव सुरेश शर्माको गुनासो थियो । काँग्रेस जिल्ला उपसभापति हुमकान्त खनाल, सचिवहरु बिनोद नेपाल, शक्ति सिंह ठकुरी, नगर सभापति खुर्सेद अहमद खाँ, शिक्षक संघका पुर्व जिल्ला सभापति अफाक अहमद खाँ, निर्माण व्यवसायी संघका जिल्ला अध्यक्ष सरोज अर्याल लगायतले संघको निर्वाचित समितिले निर्माण व्यवसायीलाई संगठित गरि हकहितको संरक्षण गर्नु पर्नेमा जोड् दिए । राज्यले अझै पनि निर्माण व्यवसायीको कामको भुक्तानी समयमै नदिने गरेकोले संघले व्यवसायीका मुद्दा सरकार समक्ष पुर्याउन भुमिका खेल्न आवश्यक रहेको संघका लुम्बिनी प्रदेश सदस्य दिनेश हमालले बताए ।