खोज

बाँके, २५ वैशाख ।

एक सय ५१ जनाको पाठेघर मुखको क्यान्सर जाँच गर्दा १६ जनालाई क्यान्सरको लक्षण देखा परेको छ । नेपालगञ्ज उपमहानगरपालिकाले २१ गते आफ्नो वडा बासीहरुलाई निःशुल्क पाठेघर मुखको क्यान्सर परिक्षण गर्दा १६ जानलाई क्यान्सर देखा परेको हो । नेपालगंज उपमहानगरपालिकाको आयोजना र कान्ति आरोग्य अस्पताल नेपालगञ्जको सहयोगमा स्वास्थ्य परिक्षण गरिएको नेपालगंज उपमहानगरपालिका वडा नम्बर २० का अध्यक्ष कौशल धोबीले बताए ।

परिक्षण गर्दा १६ जनामा देखिएका पाठेघर मुखको क्यान्सरको उपचारको लागि नेपालगञ्ज उपमहानगरपालिकाको स्वास्थ्य शाखालाई पत्रचार गरी निःशुल्क उपचारको लागि कान्ति अस्पतालसंग समन्वयन गर्ने अध्यक्ष धोबीले बताए । पाठेघर मुखको क्यान्सर आफैमा जोखिम रोग रहेकोले छिटै उपचारको लागि अगाडि प्रक्रिया बढाउने बताए ।

वडालाई स्वास्थ्य शिक्षामा पहिलो प्राथमिकतामा राखेर वडाका जनप्रतिनिधिहरुले काम गरिरहेको र लक्षण देखा परेकाहरुलाई उपचार गराएर निको पार्न सफल भए थप यस्ता योजनाहरु ल्याउने अध्यक्ष धोबीले बताए । वडाले महिलाहरुको पाठेघरको क्यान्सरको परिक्षण गरेर निकै उत्कृष्ट काम गरेको स्थानीय लक्ष्मी केसीले बताइन । जाँच गर्दा देखा परेका महिला दिदिबहिनीहरुको उपचार गर्न तयार रहेको कान्ति आरोग्य अस्पतालका संचालक डाक्टर रोमा बोहोराले बताईन । नेपालगंज उपमहानगरपालिकाले आफ्नो वडालाई विकास गर्नका लागि स्वास्थ्य र शिक्षालाई पहिलो प्रथामिकतामा राखेको छ ।