खोज

नेपालगञ्ज, २४ बैशाख ।
ईलाका प्रहरी कार्यालय कोहलपुरका प्रहरी नायव उपरिक्षक (डिएसपी) लक्ष्मी खनालले कार्यालय प्रमुख महिला या पुरुष भन्ने कुराले महत्व नराख्ने बताएकी छिन् । बुधबार बाँकेका पत्रकारसँगको अन्तरक्रिया कार्यक्रममा बोल्दै प्रहरी नायव उपरिक्षक डिएसपी खनालले आफुलाई महिलाको रुमा मात्र नबुझ्न आग्रह गरिन् । उनले भनिन् ‘केहलपुरमा महिला डिएसपी आयो भन्ने धेरैको भ्युज देखिरहेको, सुनिरहेको छु, महिला आएको छ भन्दा पनि डिएसपी आएको छ भन्ने बुझिदिनुहोला ।’ नेपाल प्रहरीको सिस्टमबाट आफु कोहलपुर आएको प्रष्ट पार्दै डिएसपी खनालले भनिन्, ‘नेपाल प्रहरकिो एउटा सिस्टम छ हामी सबै सिस्टमले चल्ने हो ।’

खनालले आफु कोहलपुरकालागि नयाँ भएपनि यहाँके वस्तुस्थिती अध्यन गरेको आएको र विगतका रिपोर्टहरु पनि अध्ययन गरिरहेको उल्लेख गरिन् । उनले पत्रकारहरुसँग हातेमालो गर्दै समाज परिवर्तन र कानून परिपालना गर्न गराउन दत्तचित्त भएर लागिपर्नेमा विश्वस्त हुन सञ्चारकर्मीहरुलाई अपिल गरिन् । प्रहरी समाचार कक्ष नक्शालबाट सरुवा भई एक हप्ता अघि मात्र कोहलपुर आएकी डिएसपी खनाललाई नगरमैत्री बन्न पत्रकारहरुले आग्रह गरे । कार्यालय प्रमुख खनाललाई सूचना सहज पहुँचको वातावरण निर्माणकालागि समन्वय गर्न समेत पत्रकारहरुले सुझाव दिए । नेपाल पत्रकार महासंघ बाँकेका अध्यक्ष नवीन गिरीले संचारकर्मीले राम्रो कार्यको प्रशंसा र नराम्रो कार्यको खबरदारी गर्ने बताए ।

खबरदारीमा भने आफुहरु नचुक्ने उल्लेख गर्दै गिरीले भने, ‘हामी राम्रो कार्यको अति प्रशंसा गर्दैनौं र नराम्रो कार्यको अति निन्दा पनि गर्दैनौंं ।’ प्रशासकहरुमा दम्भ भयो भने अर्को समस्या निम्तिने बताउँदै अध्यक्ष गिरीले सबैलाई अपनत्वको भाव जागृत हुनेगरी जनमैत्री, सञ्चारमैत्री प्हरी संगठन आजको आवश्यकता भएको औंल्याए । कोहलपुर पश्चिम नेपालको केन्द्रविन्दु र धेरै पहाडी जिल्लाहरुको प्रवेशदवर भएकाले यस क्षेत्रमा ट्रफिक ब्यवस्थापनम, लागू औषध कारोबार, सेवन तथा बेचविखन, विभिन्न अपराधका घटनाहरु हुने गरेको र आश्रय स्थलकारुपमा कोहलपुरलाई लिने गरेकाले संवेदनशिल भएर चुस्त सेवा प्रवाह गर्न प्रहरलिाई पत्रकारहरुको सुझाव थियो । डिएसपी खनालले पत्रकारहरुका सुझावहरु आत्मसा तगर्दै कार्यान्वयन गर्ने प्रतिबद्धता ब्यक्त गरेकी छिन् ।