© २०२३
६ पुष २०८२, आइतबार
६ पुष २०८२, आइतबार
काठमाडौँ ।
नेपाली कांग्रेसका सांसद सञ्जयकुमार गौतमले भारत र पाकिस्तानबीच चुलिँदै गएको तनावको सम्भावित असरलाई लिएर नेपाल सरकारलाई सचेत रहन सुझाव दिएका छन्।
बुधबार प्रतिनिधि सभाको बैठकमा बोल्दै उनले भूराजनीतिक संवेदनशीलता र खुला सिमानाका कारण यस्तो तनावले नेपालमा प्रत्यक्ष वा अप्रत्यक्ष असर पार्न सक्ने भन्दै सरकारलाई पूर्वतयारीका लागि आह्वान गरे। गौतमले यस विषयमा समयमै छलफल अघि बढाउनुपर्ने आवश्यकता औँल्याए।
दक्षिण एसियाली क्षेत्रको बढ्दो अस्थिरता सन्दर्भमा उनले राष्ट्रिय राजनीतिमा दलहरूबीच न्यूनतम सहमति आवश्यक रहेको उल्लेख गरे। संविधान संशोधन, संघीय संरचनाको मजबुती, र संस्कृतिको संरक्षण तथा प्रवर्द्धनजस्ता विषयमा साझा धारणा बनाउनु पर्ने उनले तर्क प्रस्तुत गरे।
त्यस्तै, सांसद गौतमले राष्ट्रिय निकुञ्ज क्षेत्रमा बढ्दो जंगली जनावरको आतंक पनि सदनमा उठाए। पछिल्लो तीन महिनामा बर्दियामा चितुवाको आक्रमणबाट दुई जनाको मृत्यु र ११ जना घाइते भएको जनाउँदै उनले नागरिकको सुरक्षाका लागि तत्काल कदम चाल्न सरकारको ध्यानाकर्षण गराए।
© २०२३
सर्वाधिकार सुरक्षित
Design & Developed By:
