© २०२३
२० मंसिर २०८२, शनिबार
२० मंसिर २०८२, शनिबार
काठमाडौं, २३ वैशाख ।
राजधानीको कालीमाटी तरकारी बजारमा मंगलबार हरियो खुर्सानीको मूल्यमा उल्लेख्य वृद्धि भएको छ भने काँक्रोको भाउमा गिरावट आएको छ। कालीमाटी फलफूल तथा तरकारी बजार विकास समितिको तथ्यांकअनुसार, हरियो खुर्सानीको थोक मूल्य प्रति किलो २० रुपैयाँले बढेको छ। यस्तै, बुलेट जातको हरियो खुर्सानीको मूल्य ३० रुपैयाँले उकालो लागेको छ। सोमबार ६५ रुपैयाँमा बिक्री भएको खुर्सानी मंगलबार ८५ रुपैयाँ पुगेको छ। बुलेट खुर्सानी पनि सोमबारको ५५ रुपैयाँबाट बढेर ८५ रुपैयाँमा कारोबार भएको हो।
त्यस्तै, आज काँक्रोको भाउ घटेको देखिएको छ। लोकल काँक्रोको थोक मूल्य सोमबारको ६५ रुपैयाँबाट घटेर मंगलबार ४५ रुपैयाँ कायम भएको छ। हाइब्रिड काँक्रोको मूल्य पनि घटेर २५ रुपैयाँमा झरेको छ, जुन अघिल्लो दिन ३५ रुपैयाँमा कारोबार भएको थियो।
तरकारी बजारमा यस्ता दैनिक उतारचढावले उपभोक्ताको बजेटमा सिधा असर पार्दै आएको छ। विशेषगरी मौसम, आपूर्ति प्रणाली र मागमा आएको परिवर्तनले तरकारीको मूल्यमा यस्तो हेरफेर गरिरहेको देखिन्छ।
© २०२३
सर्वाधिकार सुरक्षित
Design & Developed By:
