© २०२३
२८ मंसिर २०८२, आइतबार
२८ मंसिर २०८२, आइतबार
सुर्खेत,२३ वैशाख ।
पछिल्लो समय कर्णालीमा नसर्ने रोगको जोखिम बढ्दै गएपछि कर्णाली सरकारले निःशुल्क परिक्षण गर्ने कार्यक्रम सञ्चालन गर्न लागेको छ । प्रदेश सरकारले कर्णालीबासीको नसर्ने रोगको निःशुल्क परिक्षण गर्ने भएको हो । प्रदेशभित्रका ४० वर्षमाथिका नागरिकलाई निशुल्क उपचार गर्ने कार्यक्रमको उद्देश्य रहेको छ । नसर्ने रोगहरू मधुमेह, उच्च रक्तचाप तथा मिर्गौला रोगको निशुल्क परीक्षणका साथै उपचार गरिने सामाजिक विकास मन्त्रालयले जनाएको छ ।
जसअन्र्तगत कर्णाली प्रदेश सरकारले नागरिक स्वास्थ्य परीक्षण कार्यक्रमको आइतबार शुभारम्भ पनि गरेको छ । सामाजिक विकासमन्त्री घनश्याम भण्डारीले सुर्खेतको गुर्भाकोट नगरपालिका–१३, स्थित गुमी स्वास्थ्य चौकीबाट स्वास्थ्य परीक्षण कार्यक्रमको सुभारम्भ गरेका छन् । मन्त्री भण्डारीले १० वटै जिल्लाका सबै स्थानीय तहमा नसर्ने रोगहरूको नियमित परीक्षण तथा उपचार सेवा सुरु भएको जानकारी गराए । पछिल्लो समय अस्वस्थ खानपान र जीवनशैलीका कारण कर्णालीमा नसर्ने रोगको जोखिम उच्च हुँदै गएको भन्र्दै मन्त्री भण्डारीले नागरिक स्वास्थ्य परीक्षण कार्यक्रम ल्याएको बताए ।
© २०२३
सर्वाधिकार सुरक्षित
Design & Developed By:
