खोज

दाङ,२० बैशाख ।

राप्ती साहित्य परिषद केन्द्रीय समितिको आयोजना र नेपाल प्रज्ञा प्रतिस्ठानको सहकार्यमा स्रस्टा सम्मान, पुरस्कार वितरण , २५ औं वार्षिक साधारणसभा तथा १५ औ अधिवेशन दाङको घोराहीमा शुक्रबारदेखि सुरुभएको छ । नेपाल प्रज्ञा प्रतिस्ठान काठमाण्डौका सदस्य सचीव डा. धनप्रसाद सुवेदीले संस्कार सस्कृती संरक्षण र सम्र्वदन गर्नका लागि सबै लाग्नुपर्ने बताए । सरकारले साहित्यकारको पक्षमा काम गर्न डराएको उल्लेख गर्दै उनले सरकारी संयन्त्रमा साहित्यिक संघसस्थाहरु प्राथमिकतामा नपर्ने गरेको बताए । साहित्यकार सधैं समाजका मार्गनिर्देक बन्ने गरेका कारण बिकृति र विसंगती बिरुद्ध कलम चलाउन आग्रह गरे ।

राप्ती राहित्य परिषदका संस्थापक अध्यक्ष नारायणप्रसाद शर्माले साहित्यकारहरु सधैं अगाडि बढेर साहित्यका माध्यमबाट खबरदारी गर्नुपर्ने बताए । सामाजिक रुपान्तरणका लागि साहित्यले सकारात्मक प्रभाव पार्ने गरेका कारण सरकारले सहयोग गर्नुपर्ने बताए । राप्ती साहित्य परिषदका केन्द्रीय अध्यक्ष डा. टिकाराम उदासी को अध्यक्षतामा भएको कार्यक्रममा दाङ, बाँके, रोल्पा,रुकुम र प्युठान लगाएतका जिल्लाका साहित्यकारको उपस्थिति रहेको छ ।

२४ जना श्रष्टा पुरस्कृत एवम् सम्मानित
राप्ती साहित्य परिषद् केन्द्रको वार्षिकोत्सवको अवसरमा प्रा डा बाबुराम आचार्यसहित २४ जना श्रष्टा पुरस्कृत एवम् सम्मानित हुनुभएको छ । परिषद्ले राप्ती साहित्य पुरस्कार २०८१ बाट प्राध्यापक डा आचार्यलाई प्रदान गरेको हो । यस्तै, २०८० सालमा प्रकाशित १८ थुङ्गा नामक जीवनी विधाको कृतिका लागि दाङका पद्मप्रसाद शर्मालाई राप्ती साहित्य सिर्जना पुरस्कार, नन्दहरि साहित्य पुरस्कारबाट दाङका सुरेशकुमार पाण्डेयलाई, डोमादेवी साहित्य पुरस्कारबाट दाङका शशीधर भण्डारीलाई, दीलसरी दल अतिरिक्त साहित्य पुरस्कारबाट रोल्पाका मोहित श्रेष्ठलाई पुरस्कृत गरेको हो ।
यसैगरी देवीचन्द्र साहित्य पुरस्कारबाट बाँकेका डा हरिप्रसाद तिमिल्सेनालाई, अयामुकुन्द प्रज्ञा पुरस्कारबाट प्युठानका नारायण गौतमलाई, गोपाल चन्द्र प्रज्ञा पुरस्कारबाट दाङका हरिप्रसाद पाण्डेयलाई, हरिप्रसाद मिना पाण्डेय कला साहित्य पुरस्कारबाट दाङका केबी चौधरीलाई, खोबिलाल हुकुमादेवी छन्द पुरस्कार दाङका गिरीराज खनाललाई प्रदान गरेको हो । त्यस्तै, कार्यक्रम्मा पद्मप्रसाद रुपसा प्रज्ञा पुरस्कारबाट दाङका अभि क्षेत्री समर्पणलाई, तिलका तुलसीराम आचार्य स्मृति पुरस्कारबाट बुटबलमा प्रा डा कपिल लामिछानेलाई, चक्रपाणि लोकेश्वरी छन्द पुरस्कारबाट दाङका कपिलकिशोर घिमिरेलाई, नित्यानन्द प्रज्ञा

यसैगरी, श्रीबहादुर दीलमाया साहित्य पुरस्कारबाट रुकुमपूर्वका कर्णबहादुर बुढा मगरलाई, टेकबहादुर सुवर्ण राजभण्डारी साहित्य पुरस्कारबाट बाँकेका महानन्द ढकाललाई, जीवनचक्र साहित्य पुरस्कारबाट सल्यानका हिरालाल केसीलाई, पं कपिलमुनि भक्तकुमारी शिवादेवी स्मृति स्रष्टा सम्मानबाट सल्यानकी बिनु बुढाथोकीलाई, ऋषि लक्ष्मी साहित्य पुरस्कारबाट पश्चिम रुकुमका खेमराज खड्कालाई, गोमादेवी स्मृति कला पुरस्कारबाट दाङकी दीपा बुढालाई र विष्णुनुमा साहित्य पुरस्कारबाट दाङका मनिषा गिरी ‘ऋतु’लाई पुरस्कृत गरेको हो । पुरस्कारबाट प्युठानका सुमन सुवेदीलाई, चन्द्रमधु गीत संगीत पुरस्कारबाट दाङ देउखुरीका यादवनाथ योगीलाई, ओपेन्द्र रत्नशोभा साहित्य पुरस्कारबाट रुकुम पश्चिमका भुपेन्द्रा मल्ललाई प्रेमनारायण सावित्रा हेमकुमारी प्रज्ञा पुरस्कारबाट रोल्पाका अमर अधिकारीलाई पुरस्कृत गरेको हो । यसैगरी परिषद्ले दाङ साहित्य तथा संस्कृति प्रतिष्ठान तुलसीपुर, कवि धर्मराज बैरागी देउखुरी, अग्रज साहित्यकार मधुसुदन गौतम दाङ र नारी श्रष्टा बसन्ता शाह हापुरलाई सम्मान गरिएको हो ।
पाँच लाखको पुरस्कार स्थापना
प्राध्यापक डाक्टर साहित्यकार गोविन्द पौडेलले आफ्ना दिंगवत बुवा आमाको संझनामा पाँच लाख राशीको पुरस्कार स्थापना गरेका छन् । केन्द्रीय अध्यक्ष टिकाराम उदासीलाई पाँच लाखको चेक हस्तान्तरण गरेका हुन् । वाङ्मय साहित्य पुरस्कारको रुपमा प्रत्येक वर्ष श्रष्टालाई पुरस्कार वितरण गरिने प्राध्यापक डा गोविन्द पौडेलले जानकारी दिए ।