© २०२३
२८ मंसिर २०८२, आइतबार
२८ मंसिर २०८२, आइतबार
काठमाडौं, १९ वैशाख ।
ललितपुरको ऐतिहासिक रातो मत्स्येन्द्रनाथ रथयात्रा अहिले गाःबहालमा पुगेको छ, जहाँ आज बिहानैदेखि भक्तजनको बाक्लो उपस्थिति देखिएको छ। बिहीबार पुलचोकबाट तानेर रथलाई गाःबहाल ल्याइएको थियो।
पाटनका विविध स्थानमा परिक्रमा गरिने यो रथयात्रा पुलचोक, गाःबहाल, महाबौद्ध, चाकुबहाल हुँदै लगनखेल, पोडेटोल र अन्ततः जावलाखेलसम्म पुर्याइन्छ। जावलाखेलमै अन्त्यमा “भोटो देखाउने” जात्रा आयोजना गरिन्छ, जुन रातो मत्स्येन्द्रनाथ जात्राको विशेष आकर्षण हो। त्यसअघि, “नरिवल खसाल्ने” परम्परागत विधिसमेत सम्पन्न गरिन्छ।
३२ हात अग्लो रथमा अवलोकेत्श्वर, बुङ्गद्धया नामले समेत चिनिने मत्स्येन्द्रनाथको मूर्ति विराजमान गराइन्छ, र चौथो दिनदेखि रथयात्रा औपचारिक रूपमा सुरु हुन्छ।
श्रद्धालुहरू विश्वास गर्छन्—रातो मत्स्येन्द्रनाथको दर्शनले सुख, शान्ति र समृद्धि मिल्छ। यही आस्थाका साथ आज गाःबहालमा दर्शन र पूजाका लागि श्रद्धालुहरूको उल्लेख्य उपस्थिति देखिएको छ।
नेपालकै सबैभन्दा लामो जात्रा मानिने यो पर्व ललितपुरको सांस्कृतिक सम्पदा मात्र होइन, जनआस्थाको गहिरो प्रतीकसमेत हो।
© २०२३
सर्वाधिकार सुरक्षित
Design & Developed By:
