खोज

पाल्पा, १८ बैशाख ।
रामपुर नगरपालिकाले महिला दिदीबहिनीहरूलाई पोते माला तथा चुरा बनाउने तालिम सहित उद्यमशिलता विकास तालिम प्रदान गरेको छ ।नगरपालिकाले पोते माला तथा चुरा बनाउने तालिममा सहभागी हुने महिला दिदीबहिनीहरूलाई उद्यमशिलता विकास तालिम प्रदान गरेको हो । उपप्रमुख ग्रामिण महिला उत्थान कार्यक्रम अन्तर्गत १३ दिने पोते माला तथा चुरा बनाउने तालिममा सहभागी महिलाहरूलाई व्यवसाय सञ्चालन तथा प्रवद्र्धन सिप प्रदान गरिएको छ ।

बुधबार तालिमको शुभारम्भ गर्दै रामपुर नगरपालिकाका कार्यबहाक नगर प्रमुख तथा उपप्रमुख बाल कुमारी थापाले स्थानीय उत्पादनको अभिवृद्धि गरि रामपुरलाई आत्मनिर्भर बनाउनका लागि विभिन्न उत्पादनमूलक तालिम सञ्चालन गर्दै आएका बताइन् । दैनिक जिवनमा आवश्यक पर्ने बस्तुको उत्पादन गरी नगरलाई आत्मनिर्भर बनाई आर्थिक समृद्धिका लागि विभिन्न सिपका आयमूलक तालिम सञ्चालन गर्दै आएको उल्लेख गरिन् ।

सिपमूलक तालिमले महिलाहरूलाई आर्थिक रूपमा सबल र आत्मनिर्भर बनाउने भन्दै यस्ता तालिमले महिलाहरूको जीवनस्तर उकासेको बताइन् । विभिन्न समयमा सञ्चालन गरेका तालिमबाट सिप सिकेका महिलाहरूले उत्पादन गरेका सामग्री नगरपालिकाले खरिद गरेर बजारको समेत प्रवद्र्धन गर्दै आएको बताइन् । उपप्रमुख थापाले उद्यम विकास सम्बन्धी तालिमले उद्यमी बन्ने सोँचमा रहेका महिला दिदिबहिनीहरूलाई सफल व्यवसायी बनाउन मद्दत पुग्ने बताइन् ।
कार्यक्रममा रामपुर नगरपालिकाका निमित्त प्रमुख प्रशासकीय अधिकृत चेमनप्रकाश पोखरेलले आर्थिक समृद्धि र जिविकोपार्जनका लागि सिपमूलक तालिम महत्वपूर्ण रहेको उल्लेख गरे ।

उनले सिपले अर्थोपार्जनका गर्ने भन्दै ज्ञानसिपको सही प्रयोग गर्न आग्रह गरे । यस्तै रामपुर नगरपालिकाका नगर प्रवक्ता एवं वडा नं।१ का अध्यक्ष कपिल बहादुर खाँणले गुणस्तरीय र बाह्य वस्तुसंग प्रतिस्पर्धा गर्न सक्ने सामग्री उत्पादन गर्नुपर्ने आवश्यकता औँल्याए । प्रतिस्प्रर्धा गर्न सक्ने गुणस्तरीय उत्पादन गर्न सके मात्र व्यवसायीक सफलता हासिल गर्न सक्ने बताए । कार्यक्रममा रामपुर नगरपालिका वडा नं। २ का अध्यक्ष कृष्ण बहादुर दर्जीले ज्ञानसिपको प्रयोग गरी व्यवसायी बन्न आग्रह गरे । यस्तै रामपुर नगरपालिकाका कार्यपालिका सदस्य मायादेवि नेपालीले तालिमलाई तालिममा मात्र सिमित गर्न नहुने भन्दै जीवन उपयोगी बनाउनुपर्नेमा जोड दिए ।

तालिममा सिप सिकेर उद्यमी बन्न चहाने महिला दिदीबहिनीहरूलाई सिर्जनात्मक र परम्परागत व्यवसाय शैलीलाई व्यवसायिक बनाउन साथै व्यवसायिक योजना बनाउन सिकाईने उद्यम विकास सहजकर्ता रूपेश सिंजापतिले बताए । तालिममा नगरपालिका भित्रका ३८ जना महिला दिदीबहिनीहरूको सहभागिता रहेको छ । सहभागिहरूलाई ४ दिन उद्यम विकास सम्बन्धी तालिम र त्यस पश्चात १३ दिनसम्म पोते माला तथा चुरा बनाउने तालिम प्रदान गरिने छ ।