© २०२३
२९ मंसिर २०८२, सोमबार
२९ मंसिर २०८२, सोमबार
चितवन, १८ वैशाख ।
बीमा बापतको भुक्तानी नपाएको भन्दै भरतपुर अस्पतालले आगामी जेठदेखि स्वास्थ्य बीमामार्फत् दिइने सम्पूर्ण सेवा बन्द गर्ने चेतावनी दिएको छ। अस्पतालका प्रमुख मेडिकल सुपरिटेन्डेन्ट प्रा.डा. कृष्णप्रसाद पौडेलका अनुसार चालु आर्थिक वर्षमा स्वास्थ्य बीमा बोर्डले एक रुपैयाँ पनि नदिएको र हालसम्म करिब ६० करोड रुपैयाँ बराबरको शोधभर्ना बाँकी रहेको छ।
उनले वैशाखभित्र कम्तीमा २५ करोड रुपैयाँ नआए कडा निर्णय लिने चेतावनी दिएका छन्। अस्पतालले औषधि खरिद, कर्मचारी तलबलगायतका भुक्तानी गर्न नसक्ने अवस्थामा पुगेको जनाइएको छ।
बोर्डबाट रकम नआएपछि अस्पतालले भिटामिन डी, क्याल्सियम, बी१२ लगायतका २४ वटा प्रयोगशाला परीक्षण बन्द गरिसकेको छ। ती परीक्षणको खर्च अहिले सर्वसाधारणले आफैं व्यहोर्नुपरेको छ।
भरतपुर अस्पतालमा उपचारका लागि आउने ७० प्रतिशत बिरामी बीमा योजनाअन्तर्गत पर्छन्। अस्पतालले मासिक ७ करोड रुपैयाँ बराबरको बीमा दावी गर्ने गरेको छ।
“कार्यक्रम मात्रै चलाएर हुँदैन, पैसा पनि आउनुपर्छ,” मेसु पौडेलले भने, “समस्या तत्काल समाधान नभए, जेठदेखि बीमाअन्तर्गत सबै सेवा बन्द हुनेछ।”
© २०२३
सर्वाधिकार सुरक्षित
Design & Developed By:
