© २०२३
४ पुष २०८२, शुक्रबार
४ पुष २०८२, शुक्रबार
काठमाडौं, १८ वैशाख।
राप्रपा नेपालका अध्यक्ष कमल थापाले संघीय, धर्मनिरपेक्ष गणतन्त्र व्यवस्था भ्रष्टहरू उत्पादन गर्ने कारखानामा परिणत भएको बताएका छन्। अहिलेको व्यवस्थाबाट देशमा शान्ति, स्थायित्व र आर्थिक विकासको सम्भावना नरहेको भन्दै थापाले उदासी, हताशा र निराशालाई चिर्न व्यवस्था परिवर्तन आवश्यक भएकोमा जोड दिए।
१६३औँ श्रमिक दिवसको अवसरमा आज राप्रपा नेपाल आबद्ध मजदुर संगठन टुकोनले आयोजना गरेको कार्यक्रमलाई सम्बोधन गर्दै थापाले सम्पूर्ण राजावादी, हिन्दूवादीहरू एक हुनुपर्ने अहिले समयको माग भएको स्पष्ट पारे। वर्षा ऋतु सुरु हुनु अघि नै आन्दोलनको वातावरण निर्माण गर्नुपर्ने बताउँदै थापाले समान विचारधारा भएकाहरू सबैले साझा मोर्चा बनाएर अघि बढ्न ढिलाइ गर्नु नहुनेमा जोड दिए।
सम्पूर्ण श्रमिकहरूलाई बधाई तथा शुभकामना दिँदै थापाले राप्रपा नेपाल सदा श्रमिकको हक–हितको पक्षमा रहने प्रतिबद्धता पनि व्यक्त गरे। कार्यक्रममा तारानाथ लुइँटेल, तेज कुरुङ्वाङ, यवती कार्की, हिक्मतजङ भण्डारी, अजेलिया रञ्जितकार लगायतले सम्बोधन गरेका थिए।
© २०२३
सर्वाधिकार सुरक्षित
Design & Developed By:
