© २०२३
२१ मंसिर २०८२, आइतबार
२१ मंसिर २०८२, आइतबार
काठमाडौं ।
जनता समाजवादी पार्टी (जसपा), नेपालको नेतृ डा. बबीसिंह यादवले पेस्तोल पड्काउँदै नाचेको भिडियो सामाजिक सञ्जालमा सार्वजनिक भएपछि प्रहरी प्रशासन सक्रिय बनेको छ।
वैशाख १८ गते फेसबुकमा सार्वजनिक भएको उक्त भिडियोमा यादवलाई नाच्दै गर्दा आकाशतर्फ पेस्तोल ताकेर गोली चलाएको स्पष्ट देखिन्छ। भिडियो भाइरल बनेपछि सुरक्षा निकायले उक्त घटनालाई गम्भीर रूपमा लिँदै अनुसन्धान प्रक्रिया अघि बढाएको हो।
यसै सन्दर्भमा जिल्ला प्रहरी कार्यालय, सप्तरीले यादवलाई सोधपुछका लागि बोलाएको छ। प्रहरीका अनुसार यादव सप्तरी जिल्लाको बोदेबरसाइन नगरपालिका–५ की स्थायी बासिन्दा हुन्।
सप्तरीका प्रहरी प्रमुख, एसपी ढकेन्द्र खतिवडाले उक्त भिडियोबारे प्रारम्भिक अनुसन्धान भइरहेको र आवश्यक बयानका लागि यादवलाई बोलाइएको जानकारी दिए। सार्वजनिक स्थलमा हतियार प्रयोग गर्नु कानुन विपरीत भएकोले प्रहरी यस घटनालाई कानुनी प्रक्रियाअनुसार अगाडि बढाउने तयारीमा रहेको बुझिएको छ।
© २०२३
सर्वाधिकार सुरक्षित
Design & Developed By:
