© २०२३
७ पुष २०८२, सोमबार
७ पुष २०८२, सोमबार
काठमाडौं,१८ वैशाख ।
राष्ट्रिय सभामा रिक्त हुन लागेका १८ सदस्यको पदका लागि निर्वाचन आगामी माघमा हुने भएको छ। २०७६ सालमा निर्वाचित १९ जना सदस्यहरूमध्ये एक जना राष्ट्रपति द्वारा मनोनीत भएकाले बाँकी १८ सिटमा निर्वाचन हुन लागेको हो।
यी सदस्यहरूको कार्यकाल २०८१ सालको फागुनमा सकिँदैछ। संविधानको धारा ८६ र राष्ट्रिय सभा सदस्य निर्वाचन ऐनको दफा ५ अनुसार, पद रिक्त हुनु ३५ दिनअघि नै निर्वाचन सम्पन्न गरिनुपर्ने कानुनी व्यवस्था छ।
निर्वाचन ऐनको दफा ५ को उपदफा (१) अनुसार, नेपाल सरकारले निर्वाचन आयोगको परामर्शमा निर्वाचन मिति तय गर्नुपर्ने हुन्छ। त्यसैअनुसार आगामी माघ महिनाभित्र नयाँ निर्वाचन सम्पन्न गरिने तयारी भइरहेको छ।
राष्ट्रिय सभा एक स्थायी सदन हो, जसका सदस्यहरूको कार्यकाल ६ वर्षको हुन्छ। तर प्रत्येक दुई वर्षमा एक तिहाइ सदस्यहरूको कार्यकाल समाप्त हुने व्यवस्था अनुसार सदस्यहरू नियमितरूपमा अदलबदल भइरहन्छन्। यस प्रणालीबाट राष्ट्रिय सभा निरन्तर क्रियाशील रहन्छ।
२०७६ सालको निर्वाचनबाट चुनिएका १९ सदस्यहरूमध्ये वामदेव गौतम मात्र राष्ट्रपतिबाट मनोनीत भएका थिए। उनी बाहेकका १८ सदस्यहरूको स्थानमा नयाँ निर्वाचन गरिनेछ।
© २०२३
सर्वाधिकार सुरक्षित
Design & Developed By:
