© 2026
१६ माघ २०८२, शुक्रबार
१६ माघ २०८२, शुक्रबार
म्याग्दी ।
मङ्गलाघाट, बेनी नगरपालिका–७ मा आज बिहान एक हृदयविदारक घटना घट्यो। घरायसी विवादले उग्ररूप लिएपछि २७ वर्षीया भगवती विकको आफ्नै श्रीमान् राजु विकको हातबाट ज्यान गयो। राजुले दाउराले प्रहार गर्दा घटनास्थलमै भगवतीको मृत्यु भएको प्रहरी अनुसन्धानले पुष्टि गरेको छ।
पर्वत जिल्लाको जलजला गाउँपालिका–३ पारिबेनीका स्थायी बासिन्दा राजु विक हाल मङ्गलाघाटको आरनटोलमा बसोबास गर्दै आएका थिए। बिहानको झगडा यति चर्कियो कि दाम्पत्य सम्बन्ध नै रगतले रंगिएको छ।
घटनापछि फरार भएका राजुलाई प्रहरीले बेनी नगरपालिका–८ स्थित ज्यामरुककोट सामुदायिक वनमा लुकेर बसेको अवस्थामा पक्राउ गरेको हो। हाल शव बेनी अस्पतालमा परीक्षणको लागि राखिएको छ भने प्रहरी थप अनुसन्धानमा जुटेको छ।
प्रहरी निरीक्षक सागर पौडेलका अनुसार प्रारम्भिक विवरणले घटनाको कारण घरायसी कलह देखिएको छ।
© 2026
All rights reserved.
Design & Developed By:
