Butwal Today

सिंहदरबारमा सरकारसँग वार्ताका लागि शिक्षक नेताहरू पुगे

बुटवल टुडे
१२ बैशाख २०८२, शुक्रबार
अ
अ+
अ-

काठमाडौँ ।

सरकारले वार्ताका लागि आह्वान गरेसँगै आन्दोलनरत शिक्षकहरू सिंहदरबार गएका छन्। गत चैत २० गतेदेखि आन्दोलन गर्दै आएका शिक्षकहरूले सरकारसँग छलफल गर्न शुक्रवार दिउँसो सिंहदरबारको मार्ग समातेका हुन्।

शुक्रवार नै शिक्षा, विज्ञान तथा प्रविधिमन्त्री रघुजी पन्त र शिक्षा सचिव डाक्टर दीपक काफ्लेले वार्ताका लागि छुट्टाछुट्टै रूपमा आह्वान गरेका थिए। त्यसपछि नेपाल शिक्षक महासंघका अध्यक्ष लक्ष्मीकिशोर सुवेदीसहित महासंघका २५ जना शिक्षक नेताहरू सिंहदरबार पुगेका हुन्।

महासंघका महासचिव तुला थापाले वार्ताको आह्वानपछि छलफलका लागि मन्त्रालयतर्फ लागेको जानकारी दिए। उनले भने, “सरकारको पुनः आह्वानपछि महासंघले आन्तरिक छलफल गर्‍यो र छलफलमा सहभागी हुन २५ जना शिक्षक नेताहरूसँग गेटपास प्राप्त भयो।” शिक्षा मन्त्रालयले प्रहरीलाई पत्र पठाएर महासंघका शिक्षक नेताहरूलाई सिंहदरबारको गेटपास उपलब्ध गराइदिएको थियो।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

सम्बन्धित खबर

साढे ११ बजेसम्म रुपन्देहीमा ३० प्रतिशतले गरे मतदान

यस्तो छ मतदानको उत्साह [तस्वीरहरु]

रुपन्देही–२ मा काँग्रेस उम्मेद्वार चुन्नले बुटवल ४ बाट गरे मतदान

रूपन्देही–३ का स्वतन्त्र उम्मेदवार महेन्द्र यादव पक्राउ

यस्तो छ मतदानको तयारी [तस्वीरहरु]

निर्वाचनको दिन आवश्यकताअनुसार आन्तरिक हवाई उडान हुने

प्रतिनिधिसभा निर्वाचन: मतदानअघि जान्नैपर्ने मूख्य विषय

यी ११ अवस्थामा मत बदर हुन्छ, यसरी हुन्छ सही तरिकाले मतदान