खोज

रूपन्देही, ११ बैशाख ।

मिडिया माथि आक्रमण गरेर लोकतन्त्र माथि खतरा बढेको नेपाल पत्रकार महासंघका अध्यक्ष निर्मला शर्माले बताएकी छिन ।जिल्ला प्रशासन कार्यालय रूपन्देहीमा पत्रकार राधेश्याम विश्वकर्माको न्याय र दोषीलाई कारबाहीको माग गर्दै लुम्बिनी प्रेस क्लब, रुपन्देहीले आयोजना गरेको धर्ना कार्यक्रममा बोल्दै अध्यक्ष शर्माले रिपोर्टिङका क्रममा रेकर्ड भएका भिडियो सुरक्षाकै अगाडी डिलिट गर्नु कार्यको घोर भत्सर्ना व्यक्त गरिन । यस्तो घटना कहि पनि क्षम्य हुंदैन कानुनी दायरामा ल्याइ कारबाही हुनुपर्ने उनको भनाइ थियो ।

अहिले मिडियामाथि भौतिक आक्रमण भएको छ दोसि माथि कारबाहीका लागि आग्रह गर्दै अध्यक्ष शर्माले सुरज रजकको हत्या भयो त्यसको स्वतन्त्र छानबिन हुनुपर्ने बताउंदै अहिले नेपाल पत्रकार महासंघ देश व्यापीरूपमा आन्दोलनमा रहेको बताइन । जसले पत्रकार माथि आक्रमण गर्यो पछि समातेर छाडेको छ कानुनी कारबाहीका लागि अनुरोध गर्दै मिडिया माथि आक्रमण गरेर लोकतन्त्र माथि खतरा भएको अध्यक्ष शर्माले बताइन । रिपोर्टिङकै क्रममा पत्रकार धर्नामा बस्नु मिडियामा दिने कन्टेनलाई कस्तो असर पर्छ होला?अध्यक्ष शर्माले प्रश्न गरिन ।

लुम्बिनी प्रेस क्लबले दोषीलाई कारबाही गरी पत्रकारको न्यायको लागि जिल्ला प्रशासन कार्यालय रूपन्देहीमा गरेको धर्ना कार्यक्रम लुम्बिनी प्रेस क्लबका अध्यक्ष कमल रायमाझीले दोसिलाई अबिलम्ब पक्राउ गरी कानुनी कारबाहीका लागि माग गरे । अध्यक्ष रायमाझीले धर्ना ३ दिने कार्यक्रम रहेको र दोसिलाई कानुनी दायरामा नल्याएसम्म आन्दोलन थप सशक्त बन्ने बताए ।

कार्यक्रममा प्रमुख जिल्ला अधिकारी बासुदेव घिमिरेले आरोपितलाई पक्राउ गरी कारबाही गर्ने प्रतिबद्धता ब्यक्त गरे । कार्यक्रममा प्रेस क्लबका संस्थापक अध्यक्ष माधव ढुगाना, महासचिव प्रकाश न्यौपाने, सल्लाहकार कुल मणि ज्ञवाली लगायतले मन्तव्य राखेका थिए । कार्यक्रममा नेपाल पत्रकार महासंघ केन्द्रीय समिति, पर्देश र जिल्ला समितिका पदाधिकारीको उपस्थिति रहेको थियो । लुम्बिनी प्रेस क्लबका सदस्यहरूको उल्लेख्य उपस्थिति रहेको थियो ।