खोज

बुटवल, ८ वैशाख ।

मणिमुकुन्द भलिवल क्लब तिलोत्तमा रूपन्देहीले आयोजना गरेको १० औ मणिमुकुन्द भलिवल कप पुरूष इन्डो नेपाल क्लब च्याम्पियनसिप प्रतियोगिताको दोस्रो दिनको खेलमा नेपाल पुलिस क्लब र त्रिभुवन आर्मी क्लबले जित निकालेका छन् ।

नेपाल पुलिस क्लब र गण्डकी प्रदेश भलिवल संघबिच भएको खेलमा पुलिस क्लवले जिन निकालेको हो । प्रतियोगिकामा २५–११, २२–२५, २३–२५, ३०–२८, १५–९ बनाएर पुलिस क्लब बिजयी भएको हो । प्रतियोगितामा उत्कुष्ट खेल प्रदर्शन गरेको भन्दै नेपाल पुलिस क्लबका रविन चन्दलाई नगदसहित सम्मान गरिएको थियो ।

दोस्रो खेल भने त्रिभुवन आर्मी क्लवले जितेको हो । दुई बिभागीय एपिएफ क्लब र त्रिभुवन आर्मी क्लवबिच भएको खेलमा आर्मीले जित निकालेको हो । प्रतियोगितामा २७–२५, २८–३०, २१–२५, २५–२१, १५–१२ बनाउँदै जित निकालेको हो । प्रतियोगितामा उत्कृष्ट खेल प्रदर्शन गरेको भन्दै नेपाल आर्मीका सुनिल बोहोरा मेनअफ म्याच हुन सफल भएको अफिसियल रेफ्री रामबहादुर थापाले बताए ।

उनलाई नगद सहित सम्मान गरिएको थियो । प्रतियोगितामा प्रथम हुनेले नगद रू ३ लाख ११ हजार एक सय ११ कप मेडल प्रमाण-पत्र पाउने छन् । दोस्रो हुने टिमले नगद २ लाख ११ हजार एक सय ११ कप मेडल प्रमाणपत्र हात पार्ने छन् । तेस्रो हुनेले १ लाख ११ हजार एक सय ११ कप मेडल प्रमाणपत्र पाउने छन् । सान्त्वना हुने टिमले ६६ हजार ६ सय ६६ कप प्रमाणपत्र हात पार्ने छन् ।

प्रतियोगितामा उत्कृष्ट खेलाडीले १५ हजार मेडल प्रमाणपत्र पाउनेछन् भने प्रतियोगितामा बिधागततर्फ ६ जना खेलाडीहरूलाई नगद रू १० हजार मेडल प्रमाणपत्रले पुरस्कृत गरिने खेल संयोजक सुरेन्द्र गुरूङले बताए । ६ गतेबाट सुरू भएको प्रतियोगिता १३ गते सम्म सन्चालन हुने आयोजक मणिमुकुन्द भलिवल क्लबका निवर्तमान अध्यक्ष मिलन रानाले बताए । प्रतियोगितामा बिभिन्न बिदेशी खेलाडीको सहभागिताले खेल रोचक हुने आयोजकको भनाई छ ।

आज रातिको खेल कोशी प्रदेश भलिवल संघ र गण्डकी प्रदेश भलिवल संघ बिच पहिलो खेल हुने आयोजकले जनाएको छ