खोज

बुटवल, ७ बैशाख ।
नेवा देय् देबु तिलोत्तमाको आयोजनामा तिलोत्तमामा १५ दिने नेपाल भाषा प्रशिक्षण कार्यक्रम समपन्न भएको छ ।
एक समारोहका बिच तिलोत्तमा नगरपालिकाका नगरप्रमुख रामकृष्ण खाणले प्रशिक्षार्थीहरुलाई प्रमाणपत्र वितरण गर्दै नेपालभाषा (नेवारी भाषा) र संस्कृतिमा समृद्धि र सम्पूर्णता रहेको बताए । नयाँ पुस्तामा मातृभाषाप्रति गर्व र संरक्षणको भावना विकास गर्ने गरि यसप्रकाशको तालिमलाई निरन्तरता दिनुपर्ने उनले सुझाव दिए ।

कार्यक्रममा संस्थाका अध्यक्ष दिनेश कक्षपतिले भाषा तालिम र यसको उपलब्धिका बारेमा प्रकाश पारे । तालिमबाट प्रशिक्षार्थीहरूमा थप भाषा सिक्ने जिज्ञासा र उत्साह जागृत भएको भन्दै उनले यस्ता कार्यक्रमहरू नेवारी भाषा मात्र होइन, संस्कृतिको पनि समग्र संरक्षणमा सहयोगी हुने भएकाले भविष्यमा संस्कृति तथा परम्परालाई समेत समेट्न सकिने गरि सञ्चालन गर्नुपर्ने बताए ।

कार्यक्रममा तिलोत्तमा नगरपालिका–८ का वडाध्यक्ष कृष्ण पौडेल, नेपाल आदिवासी जनजाति महासंघका उपाध्यक्ष लोकहरी श्रेष्ठ, नेवा देय् देबु रूपन्देही जिल्ला समिति वरिष्ठ उपाध्यक्ष अरुणा श्रेष्ठ, झिगु नेवा पुचः शंकरनगरका वरिष्ठ उपाध्यक्ष दुर्गा श्रेष्ठ, नेवा देय् देबुका जिल्ला सदस्य तीर्थ उदय र कार्यक्रमका मुख्य प्रशिक्षक डा. निरञ्जन लाल कक्षपतिले नेपालभाषाको महत्व, सिकाइ र पुस्तान्तरणको आवश्यकता बारे प्रकाश पारे ।

कार्यक्रममा संस्थाका वरिष्ठ उपाध्यक्ष कृष्णबहादुर श्रेष्ठ,, सचिव तथा कार्यक्रम संयोजक राधा श्रेष्ठ उदयले नेपालभाषाको ऐतिहासिक र सांस्कृतिक महत्वमा जोड दिँदै तालिम सम्पन्न भएसँगै तिलोत्तमा क्षेत्रमा नेपालभाषा र संस्कृति संरक्षण तथा प्रवद्र्धनको अभियानलाई नयाँ उत्साह मिल्ने बताए । तालिममा ४० जना प्रशिक्षार्थीहरूले सहभागिता जनाएका थिए ।