खोज

बाँके,५ बैशाख ।
लुम्बिनी कप अन्तर्राष्ट्रिय आमन्त्रण महिला फुटबल प्रतियोगितामा राष्ट्रिय महिला टिमका तीन सदस्यसहित त्रिभुवन आर्मी क्लब आज मैदानमा उत्रिने भएको छ । नेपाली राष्ट्रिय फुटबल टिमका सदस्य बिमला विक, चन्दा भण्डारी र बिमला चौधरी आर्मीको टोलीमा समावेश रहेका छन् । त्यसैगरी नेपाली राष्ट्रिय टिमबाट प्रतिनिधित्व गरिसकेका शर्मिला थापा, सपना लामा, दिपा राई ,अन्जली वाइबा पनि आर्मीको टोलीमा रहेको टिम म्यानेजर युद्ध शाहीले जानकारी दिए । टोलीको हेडमा चक्र तामाङ रहेका छन । तीन सदस्य प्रतियोगिता खेल्न त्रिभुवन आर्मी क्लब बुधबार नै नेपालगन्ज आएर प्रशिक्षणमा व्यस्त रहेको छ । २०८१ मा उपाधि जित्न नसकेको आर्मी २०८२ उपाधी जित्ने लक्ष्य सहित मैदानमा उत्रिने भएको छ ।

नेपालगञ्ज २० मा रहेको आर्मीको ब्यारेक पछाडिको खेल मैदानमा लगातार तीन दिनदेखि आर्मीको टिम प्रशिक्षणमा रहेको छ । बुधबार नेपालगञ्ज आइपुगेको टिमले बिहीबार पनि अभ्यास गरेको छ । आर्मीले शुक्रबार सुदूरपश्चिम एफसीले प्रतिस्पर्धा गर्ने छ । उद्घाटनमा युवा तथा खेलकुद मन्त्री तेजुलाल चौधरीले गर्ने आयोजकले जानकारी गराएको छ । उद्घाटन भने आज साझ ३ बजे हुने भएको छ ।नेपालगञ्ज रंगशालामा बैशाख ५ गतेबाट सुरु हुने खेलमा ६ गते पुलिस र भारतको सिलगुडी क्लब बीच खेल हुने छ भने ७ गते तेस्रो खेलमा घरेलु टिम बाँके ११ र रौतहट जिल्ला फुटबल संघको टिमले प्रतिस्पर्धा गर्ने छ ।प्रतियोगिताको बिजेता टिमले ५ लाख ५५ हजार ५ सय ५५ तथा उपविजेता टिमले २ लाख ५० हजार प्राप्त गर्ने छन् ।

प्रतियोगिता हेर्नका लागि सिजनलको फुल प्याकेज १५०० को टिकटको व्यवस्था गरिएको छ । साथै विद्यार्थीहरूको लागि सहुलियत दरमा टिकट व्यवस्था गरिएको आयोजकले जनाएको छ । खेल हेर्नका लागि भिआइपी प्याराफिट र नर्मल प्याराफिट अनुसारको टिकटको व्यवस्था गरिएको छ । प्रतियोगिताको खेल ९ गतेबाट सेमीफाइनलका खेलहरु सुरु हुने छ भने १२ गते फाइनल खेल हुने छ ।